Saitama (Japan) Japan mi Takashi Uchiyama in Sempat ni chun Angel Granados Venezuela mipa chu ana jou in World Boxing Association (WBA) feather weight title chu a tuh det jing in ahi. Granados chu a sixth round a ah one minute 42 second a chun Uchiyama in ana sulhu in gangtah a ahung dindoh kit vang in kisuto kitthei ding mun a aumtah lou jeh in refree pan technical knockout declare anabol in ahi.

‘Hiche hook hi training kabol lai achun hatah a kana jil ahi. A sixth round na achun hoitah in kana podoh jouvin Ahi’ tin Uchiyama kum 30 a upa pa chun asei in ahi.
Strasbourg (France) top-seed Maria Sharapova in akicheppi Russian mi Regina Kuli kova chu ana jou in Strasbourg International ah second round alut tan ahi. Kal masa a Madrid muna first round alel jou hin, Sharapova in tu season ding in claya ajomasat penna hi nidan 2 le 14 minute sulut in ana kichem in Russian minuhi sempatni chun 6-3, 3-6,6-1 in anajouinahi. Formerly top-rank Sharapova hi tu season akichep sunga ajetlang keochonga kitohkhah hin hatah in ana suboi in ahi. 3 vei Grand Slam lanu hi aban le Tatjana Malek Germany nu ahilou leh quarter finalist qualifier khat to kichem ding ahi. Chuleh Australia mi Anastasia Rodinova in jong Japan mi Ayumi Morita chu 2-6,6-3,7-5 in anajou in second round alut tan ahi.
Zurich : Bayern Munich playmaker Frank Ribery misemnia champions League Final Inter Milan tetoh akichep nading uva pang louding ahitai, ajeh chu ama in red card ana mujeh a court of Arbitration for Sports (CAS) in sempatnia lekha ase na sanpih lou ahitai. Semi-final first leg, olympique Lyon tetoh akichep naova red card amujeh a ana kinoh chenga UEFA in match thumvei adinga suspend anabol ama in taona anei chu CAS in asan peh tapoi. ‘Akichep kheljeh a champion league final a akichep thei louding hi ama adingin hiche gotgna hi ana saval in ahiî, tia Bayern Chairman Kal-Heinz Rummenigge in thuso miho koma aseiyin ahi. Hitobanga field sunga thilsoh neocha chunga CAS hon ban abol u hi egel le lungdon umtah ajeh bei thil khat chu ahin, chuleh hiche hi off-side chunga kineilna a kihouna chu ahi bouva.