Ito ding mong u ahi Nikhat ahilou leh phat khat le ihung teh ding mong u ahi. Ahin tulai ihinkho man
dan uhin mihem hi aphatlou vin atehsah un ahi. Tulai a anti-aging product tam tah ahungpot doh toh kilhon hin mihem tam tah alung don sah in ahi. Amahon asei bang uva pha chom mong mong hinam tin, Ahin aphat
lou a teh kham nathei apha pen chu ahileh, hinkho thengsel leh kitup tah a man hi ahipen e. Hiche hohi aphat lou a teh kham nadina anabol thei pen ho ahi.

Snooze (chomkhat imut)
henge, imut aphat chomdan tam tah jonan nate hijongle hiche toh hin hetben nikhat le mihemhi alhom pen a nidan 7 ahilouleh 8 tobang imut hi hatah in apoi mo in ahi. Akihet leh akimudoh dung jui in, mihem nomtah a imuthei hi hohi ateh hah un ahi. Ajeh chu mikhat chu nomtahy a a imut phatleh a cell phalou jouse hokhu kisem pha ji ahi. Ahin nidan sot tah lup nachunga lup bouhi bolhih in nalu pum in jong thilkhat bol in, Ahithei chan in nathal nga in lum in abul langa hah salheh jongle chun chom khat jouleh hung hithei tan anate. Ajeh chu lukhop a ibeng ngap a lup khun imai gang tah in akinot sah in ahi. Chuleh a voi jong a voi nom in ahi.

Drink up (hadon in)
Tui (Water) kisei najoh ahi. Khat pa chu ahipoi. Khat pachu ahileh matah a nalentou ding ahi. Ahithei chan in tui hadon in natahsa athen leh nadam thei nadingin. Tui hadon in akiti vangin thei tui, coffee, cha ahilouleh adang thei tui don thei hohi ahithei chan in donda gonlang tui joh hi nadang achah phat leh don in. Amabou hi don dinga pha ahi. Tui changseh hi hinna ding le tahsa damthei nading a donthei holah a phapen ahi. Tui don hin tahsa sunga thil phalou umhohi asuthengin ahi. Tui iha don louleh Dehydration akinei nom in chuleh Dehydration hin aphat louvin ivun akinot sah in chejongleh amoldeh duh sah in ahi.

Take care of your skin (hoitah in navun jen in)
Nisa lah a na pot phatleh navun ahithei chan in hoi tah a dal ding ngai ton. Lukhuh le mitbeh (sun glasses) tiho hi nalu leh namit nisa apat dal nadingin kikhuh ki beh ji in ahilouleh Nisa noi a ha um hin ivun asu voinom in ahi. Cream le lotion hoitah in mang inCream hi jan a manding in aphan, ahin lotion sun dunga man dingin apha in ahi. Almond oil hi niseh in kinu ji in amahin  ivun elasticity aum sah in chuleh cell hojong hatah in asemphan ahi.

Eat right (Ne hoi in)
Nisih na bu neh na a ahithei chan in anche louhing le theithuh hapan sah in, anche lou hing anam hohi kajah nompoi, kadupoi tia nakilep naji hohi ahithei leh gangtah in ngah dohding ngaiton.

Anche louhing atui mopen jong tui tah a hon thei nading lampi tamtah a um in ahi. Nahet lou leh midongin. Thei thuh le anche louhing lah a umden tui akhu vitamin ijat ham khat le antioxidant, free radical neutralize bol apan keo hilouvin dehydration jong hatah in akham jouvin ahi.

Free radical kiti hi compound khat ahin amahin tahsa a cell hohi abulu ahilouleh asuhset ji ahi. Hiche cell hohi ahungset phat le ivun hohi hung voi hungse ji ahi. Nikhat a 6 vei 7 vei tobang thei, theithuh ahilou le anche lou louhing nehjing hin tahsa hoitah in asu nouchit chat in ahi.

Quit Smoking (Dumchep Hai in)
Mihem koimacha nniseh le Dumchep jingho kom a aumnom, anainom pon ahi. Chuleh natna cancer ho apot theisah keo hilouvin, Dumchep hi ivun dingin jong hatah in apha pon ahi. Amahin ivun a thisan che hohi akham tan in. Hiche hojeh hin imaiso hi adang dehduh ji in, chuleh vun jong hi hoitah in akinot sah in ahi. Gangtah in hai in!