New Delhi : Russian ambassador Alexander M Kadakin in galguh bol ho camp 40 lang hi tutu hin
Pakistan-Afghanistan border dunga hin aum nalai in, Islamabad in hiche mun hohi agangthei pen a asuh mang
ahilouleh asuhset u ngai nalai ahi atin ahi.
Kadakin, anichanna India ambassador hin na atoh sunghin, aman TOI koma chn hiche thu hohi Russian
satellite imagery le intelligence hetsah na dungjui a kasei ahi tin asei in ahi. Information apat kimudung
jui chun, Pakistan le Afghanistan border a hin, galguh bolho camp 38 ahilouleh 40 tobang aum in ahi.
Masang jepchun Pakistan ten mihet thei tah in hiche camp muna umhohi Lashkar- e-Toiba (LeT) ho ahi
ahiuve tin anasei un, tun hin vang amahohi adal doh taovin, Ahin a camp hou asuse pouvin ahi. Pakistan
te hin abol a abolngah uleh hoitah a acamp jouse ujong abona asuhset u ngai ahi tin Alexander M Kadakin
chun asei in ahi.
Kadakin thusei hi dih tah ahi ajeh chu Indian intelligence report a mimu doh hotoh hin akitoh in ahi. Indian intelligence jong hin LeT galguh bol hohi hiche border kah a hin aum tam cheh cheh un, chuleh amahohin
Afghanistan a India sepai ahilouleh India mi umhohi kapding ahilouleh suhset ding lung jong anei uvin ahi tin asei in ahi.
Afghanistan gam khantou nadingle semphat nadinga hin India le Russia in 100% pan alhon e tin, Kadakin chun aseibe in ahi.
AF-Pak gamgi koma galguh bol camp 40 um
