New Delhi, Dec 7: Ache jinglai 4th Northeast Tamchon Football Trophy, 2010 a TFC in Quarter Final lhunthei nadia play thumvei ahin mu nung in DMZP goal khat in ahin lel tan, ASUD goal 2 (4-2) in ahin jou in, tuni nikho in DHSA (Hmar ho 2-3) goal 1 a alel utoh lhon in jona chan nadin goal 2 alhasam tai. Chuleh DHSA hi a ki draw pi jongleh Quarter Final lhungjou louding ahitoh lhon in ajotei ngai mong ana hin, hinlah guollel chu ahitauve.
First Half a minute 10 masang in TFC in goal khat ahin pehlut uvin, alangkhat ah DHSA in minute 40 jou in goal khat ma ahin lethun kit tauvin ahileh second half a athemjo leh quarter final lut ding kivetlhah na chu ahung kichu cheh tauvin, DHSA in goal anivei chan nadia ahin thun uchun TFC ho din lungthim lhahsuh na in vai ahin hom tan, hiche goal kikhum jou min 14 lhinkon in DHSA in goal
athumvei chan na ahin khum kit tan ahileh kinepna twipi chu DHSA player holeh fans hodin ahungluong let jeng tan, hijongleh lung thase louva kichem a atheitop so TFC hon lethuh nan last 20 mins sung in anivei chan nadin goal khat DHSA goal keeper pa mu manlou din ahin khumpeh tauve. Hijeng johleh phat in TFC jona ding chomkhat beh ani ngajou tahlou jeh in muhboh(Refree) pan match kichai vetsah na'n refree hatah a mutkom in centre lang ahin koh jangjet jeng tan ahileh thanop thaset thu umlouvin match chu ani kichai in TFC ho chu guollel ahilo tauve.
Kichep sungin DHSA lama player khat in muhboh pa thupeh leh danlou tah a umchan ani thokhah a kampao alha jeh in Yellow card khatvei ana mu in, chuleh DHSA ho goal nivei channa hinkhum chu TFC keeper pa lungthim kichep vahlou jeh leh akhut leh akeng in na atoh vah loujeh a DHSA striker pa dia thanop umtah, Penalty sang'a baijo goal kick ana pehlo ahi' tin TFC managing board akon kamcheng kija chu ahi.
(One DHSA Player pulled refree for Yellow Card)
About author
Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
