Lamka, Ollha 14: Janni nikho nilhah nidan 06 apat kipan Kuki Chate adia Music Festival tia hetthei Laijon Digest in kumseh a ani gon jing Laijon Miuzeeko Award Ceremony chu a 4 vei channa'n lolhingtah in hopdoh ani hitai. Hiche kin hi Kholmun vangkho, CCpur, Manipur mun'a ani kimang ahi.

Music lam'a kitileh Tah-chapa, Tah-Chanu holah a kumsung lasah lam hihen visual album lam hijong leh category sagi kisem holah a mipi lhendoh dungjui a mi sagi in kipaman akisan uvin, chuleh ama ho titah louvin zaila oithem tamtah hungkhom ho akon ngainom umtah tah lunglenlaa, vahchoilaa, chuleh gam ngailaa ngeitah tah zaila oithem 15 ho akon ngailhah ahi in, eimi te lah a dia nikho loupi tah le 'Jaan gin ngei' tia hetthei khop in mipi lung asuthou un ahi.

Kumseh a kibol hijeng jongleh mipi dia thanop leh kipa um ahina achulpo'n chuleh hiche kin kigong hi "Kuki Zaila them ho Dopsang nading" ahitoh lhon in zaila them ho jong Namsunga machal nadia manchah pha khat ahung hidiu kinepna jong aum in ahi.

Jangtol dim'a hung kikhom mipi sangsom val hochu Manipur kolningli a kon hiche kin kipapi leh thanop na nei jeh a Kholmun vangkho hinjon ho ahiuvin, Laijon khat ehinau leh atahlang in, music hin namsung ah chamna akai huoi thei je ti akilang in ahi.

Chuleh Tukum sung'a dia Laijon in Category sagi asem holah'a Award sang dia alhendoh ho chu;

1. Best Pop Singer
   a. Kakai Kipgen
   b. Kamboi Baite
   c. Janglal Khongsai
   d. Miranda

2. Best Gospel Singer
   a. Lhainei
   b. Lienchung Haokip
   c. Hechin Haokip
   d. Lamneilhing

3. Best Music Video Artiste (Male)
   a. Garry Haokip (Gentheina ding bep - Khangkhalei II)
   b. Paokhan (Paolienhat - College Lanu)
   c. Sashang (Chung’a Chollhanu - Lhalam Chollha)
   d. John S. Haokip (Khongbai Rock - Khangkhalei II)

4. Best Music Video Artiste (Female)
   a. Carolyn (Hitidi’n kana gelpoi - Khangkhalei II)
   b. Kim zonlhing (Jaan khosod - Lhalam Chollha)
   c. Kym Hmar (Shitwi bang - Khangkhalei II)
   d. Ngaikim Sitlhou (Jaan’a chung chollha - Lhalam Chollha)

5. LD Song of the Year 2010
   a. Kuki Chate (Lyrics: Jeff Akai)
   b. Ngaina Mitlhi (Lyrics: Joel Jangboi)
   c. Lunghel’a leng (Lyrics: Gou’a Lhungdim)
   d. Kanam jem (Lyrics: Lienchung Haokip)

6. LD Miuzeeko Idol
   a. Lalneo Gangte
   b. Amar Thomsong
   c. Bill Lamkam
   d. Paohen

7. Best Music Video Album
   a. Khangkhalei II
   b. Kanamjem
   c. Lhalam Chollha
   d. College Lanu

* Bold kibol a rong eng a kisun ho hi lhendoh hochu ahiuve.