Manipur akon, record asmdoh na chunga International Boxing Association in "Magnificent Mary" tia aminvo nuhi, Ellha Delhi Commonwealth Games adinga jong brand ambassador khat ahi. Achesa Ningbo City, China
muna event achun, India in agom in medal li amu in anga channa a apang in, silver chuleh Bronze medal ni panna a alah chung uva hin Mary Kom bou hi India adinga gold medal ana mu chu ahi. Achesa edition a medalists lah achun, Mary Kom leh a state-mate chuleh Arjuna awardee L Sarita Devi (51kg) teni bou hi team a apang lhon in ahi.
women's boxing in International Olympic Committee chuleh Olympic Council of Asia's akon tukum Guangzhou Asian Games leh kum 2012 London Olympics a women boxing apan ding thulhut amu jou in, gam 75 akon boxers 306 in lhalam nisim 9 apat 19 channa Championships ading in min kipehlutna aneitan ahi. Women's boxing hi Asian leh Olympic Games ading in weight categories thum (51kg, 60kg chuleh 75kg) bou apang in ahi.
Team:
M C Mary Kom (48 kg),
L Sarita Devi (51kg),
Priyanka Choudhary (54kg),
Pavitra (57kg),
Neetu Chahal (60kg),
Pratibha Jakhar (64kg),
Kavita Goyat (69kg),
Aswathy Mol (75kg),
Laxmi Padiya (81kg),
Kavita Chahal (+81kg).
Gay khut’a kalel chu kapona poi: Bolt
Kingston, Lhajing 16: Double sprint world record-holder Usain Bolt in aseina achun, American rival Tyson Gay chunga kalel nahi kalungthim a umdan louding ahi ati.
Bolt, season ni sunga apatna 100m race a gay khut a tu lha kipat lam'a Stockholm muna alel jou in, 2010 season ahi kichol ngahna neiding agelin, kal masa a agam alhun jou-a aseina achun, khovei South Korea muna ka world title hi nunglah kit nadinga kigonna kanei ding ahitai ati. Gay hin Sweden muna ajona ding in meet-record 9.84sec a alheidoh in, alangkhat a Bolt 9.97sec a alheidoh in anina in apang in ahi.
Bolt in aseina achun kalel hi kapona pon, chuleh hiche hi world championship ahiloule Olympic kum ahung lhun kah adinga kumlhunga kakichol ngahna ding chu ahitai.
'Race kalel chu kidang kasa poi,' tin Bolt in aseiye. 'Hiche hi khatvei bou kalelna ahin chuleh tu masang jep a, koi hile kapan mun loding hin tu seasonía aloding ahi tia kana sei hilou ham,' tin aseibe kit e Bolt in aseina achun, top shape a kaum loujeh a hungsoh doh result chu ahi ati.
'Phatseh a kahin seijing kum 2010 season hi kei adinga bei lamtah chu hiding ahin, hijeh chun koi hijongle eijou
ding chun tu season a eijo ding ahi.'
Olympic double sprint champion pain kum 2011 season adinga gihna thulhut khat aneina achun, koi
hijongle eikite pidinga hung doh chu top a aum angaiye ati.
'Ellha tengle training hahtah kipan ding ahitai. Ellha nisim 1 sempat ni hi hoitah a training bolna kanei ding ahi, ajeh chu world championships galdotna a kanei ding ahitai,; tin Bolt in aseiye.
Bolt in aseibe na achun, akisu kha kahipoi ahivang in kanung lang kong neokhat ana jeh a kivenna dinga tu
season ahi kichol ngahna kanei ahitai ati.
India leh NorthKorea in Friendly match neiding
Panaji, Lhajing 16: North Korean nation in friendly international football match hi India tetoh neiding in lunggel anei uvin ahi. Koima in hapless coach, Kim Jong-Hun, kholjinna hung neilah a ahung panding ahiloule ahung panlou ding aseithei pon, ahivang in North Korea's stars tamtah hiche friendly match ahi kichem ding ahi.
Delhi muna Ambedkar Stadium a lhalam nisim 14 a friendly match kichep ding chu North Korea anom tan, hiche hi amaho reserve team ho ahile DPR Korea Football Association hi kisang louding ahi,' tin Colaco in hilchenna aneiyin ahi. World Cup adinga goal tampen a lelna anei u chuleh first round match thum a abon'a alel jou uvin North Korea players themkhat jail a alut tauvin ahi, tin media akon thulhut akimui. North Korea hi kum 1966 akon apatna in South Africa muna World Cup ading in qualified ahung hi uvin ahi.
Kumkit tolbol Asian Cup ading ahi Indian team hin adinga South Africa muna World Cup jou-a akichep masat napen ahi.
'North Korea in keiho agent koma India muna kakichep dingu ahi atin, ahivang in amahon officially a lekha thotna ahin nei dingu chu tuchan in keihon kangah nalai uvin ahi,' tin All India Football Federation general secretary, Alberto Colaco, in TOI a pathen ni in chun aseiyin ahi.
'North Korea in friendly match hi hetchenna anei tah a ahile, hiche chu amaho senior team ho hiding, junior side ahiloule kigonna anei ahi. Bob Houghton's side hin friendly match tampi aneiyin, lhalam nisim 4 a Thailand tetoh Bangkok muna kipan chuleh home match lhalam nisim 8 a Ambedkar Stadium muna jong ahikit e.
'National team ading in friendly match tampi kagong taovin ahi. Friendly ading in Gulf team themkhat kapansah nom uvin, ahivang in amahon Gulf Cup adinga kigonna anei jeh uvin aboilheh uvin ahi. Hijongle tuchan in kichep piding hahsatah ho enei nalai uvin ahi,î tin Colaco in aseiye.
