1 .HARVARD University United States Harvard College hi 1636 kum Massachusetts Bay Colony a Great le General Court in khut dopna anei uva kona Charlestown a cheng John Harvard mina ana kiphut doh ahi. Harvard hi America gama dinga themjil namun holah a aluipen loi khat "Declaration of Independence" kinopto masang kum 140 a ana
kiphutdoh ahi. Harvard University ahung kiphudoh kum in student 9 le master bol khat bou ahin tun vang 18,000 degree candidates, undergraduates leh students jaona in enrollment abol uvin chuleh academic units cheh a principal 10 alhing tan ahi. Harvard Extension School course thah akikoi jeh in student 13,000 tobang akibe in ahi. Mihem 14,000 in Harvard a na atong uvin, hiche lah achun 2,000 faculty ahi. Affiliated teaching hospitals jong aum in, 7,000 faculty appointments jong aum in ahi.

2.University of CAMBRIDGE United Kingdom.
University of Cambridge ahi Colleges le University building kisah dan ho hi masang gollui lai a kisa ahijeh hin gamdang/kholjin le ho mit alalheh in hijeh chun amin che lheh jengin ahi. Chuche keo hilou vin Universityís museums leh munchom chom akon thil lui kilakhom ho jeh in jong scholar tamtah in hiche mun a lekha sim ding hi alung sung uva thanopna anei uvin ahi.

University of Cambridge hi leiset chunga a dia alui loi ahin chuleh United Kingdom gama dia alenpen jong ahikit e. Academic achievement jeh le student intellectual (het gilna) achievement ho jeh hin vannoi pumpia hetthei khat in aumin amin chelheh tan ahi. Amin chena/phatna hi Quality Assurance Agency le External Examiners ho akon bou ahi .

Hiche Cambridge muna hi libraries, museums leh adang dang collections (chom khom) ho jeh in student tamtah lekhasim athanom uvin lolhinna sangtah tah in apachan jiuvin ahi. Vannoiya hetgil na nei jilkung hon Colleges a lectures, seminars le practical classes seh abol keo hilouvin personalised teaching jong abol peh jiuvin ahi. Students leh scholar ho jong formally leh informally tah a akihou thei uvin ahi.

Cambridge University achun 31 Colleges aume. Hiche lah achun 3 (New Hall, Newnham le Lucy Cavendish) hi numei ho a ahin, Clare Hall leh Darwin hi graduates ho a bou ahikit e.

Cambridge sunga College ho hi amachang uva tichu gou hihen sum le pai amu hou hijong leh ama ama principal in mopoh nanoiya a chamlhat tah a kipo ahiuve ahin University regulation in College jouse chu dan khat a akan khom soh keu ahi. University regulations dung juiya Colleges ho hin staff akilhen thei, students ho jong adei dei akilah lut thei u ahi. Colleges leh University departments teni kikah a jilkung hon student ho chu ahiltol'e thei ahin hinlah Degrees pehding phat leh bou University in apeh ji ahi.

3. YALE University United States Achesa 1701 kum chun Yale University hi Collegiate School tin Abraham Pierson in-mun Killingworth, Connecticut muna ana kiphut doh in ahi. 1716 kum in hiche school chu New Haven kiti namun achun anakichon e. Elihu Yale in thilkeo (goods) bales 9, 417 lekha (books) chuleh King George-I lim jong hongphal tah a ahinto doh jeh in 1781 kum in College chu amapa min putsah in Yale College ana kiti tai.

Yale College hin ban nei chan themjil nading ahin kehlen in ahi. Hiti chun Medical Institution (1810), Divinity School (1822), Law School (1843), Graduate School of Arts & Sciences (1847), the School of Fine Arts (1869), leh School of Music (1894) kiti hohi ahin koipan tauvin ahi. Hijeh chun 1887 kum apat in Yale College chu Yale University in akihei doh tai. University chun simlai ho din School of Forestry & Environmental Studies (1900), School of Nursing (1923), School of Drama (1955), School of Architecture (1972), leh School of Management (1974) jong ahin koibe kit in ahi.

Yale in fourth century (kum 400) ahung lhin toh kilhon in abidoi u chu ahile United States a themjilna lama asang pen hi ding keu hilouvin leiset chunga jong mi hetthei a aum ding chu ahi. Yale University president Richard C. Levin in aseina a ëvannoi hopsoh a kibol University hi khantou nakhat ahi. Yale ahin simlai gam pama kon kum 200 masanga pat ahung kai pan uvin hijeh chun international (gamdang) thusim ho jong subject in akisim sah tauve. Vannoi hopsoh a um university hin research le jilkung ho mihil dan akikhel sah in, simlai ho jong umchan khanchan athem uvin chuleh khat le khat kithokhom ding dan jong het them na akinei e' ati.


4. UCL (University College London) United Kingdom University College London (UCL)
 ahin sciences, arts, social sciences le biomedicine ho themjilna mun khat ahin jilkung ho mihil dan le research abol dan uhi vannoi a ana kithang khat chu ahi. Research Assessment Exercise (RAE), 2008 kum aumpet chun UCL in London khopi sunga din best research university amu in chuleh UK gam sunga world-leading quality adin a thum han na in apang in ahi. RAE in UCL chu Biomedicine, Science and Engineering, leh Built Environment to Laws, Social Sciences, Arts and Humanities a research lam panga abol hoi lheh jeh uvin pachatna sangtah ape uvin ahi.

UCL a mihil ho hi vannoi a thepna sangtah tah neiho ngen ahiuvin research tobang ngen a ahil jiu ahi. UCL ahin best staff-student aum uvin group neocha chan akihom khen'un hiti chun jilkung hon ahil jiuve.

University College London a simlai 30 percent hi UK gam khel 140 countries akon ahiuvin ahi. Staff ho jonghi gam dang akon jong apang uvin ahi.

Hiche university hi London khopi lailung tah a um ahin chuleh avel lah chu libraries, museums, archives, cultural institutions leh Europe akon professional bodies in jong akimvel ahi. University dang minthang ho chu ban neicha anoiya kigol ho hi ahi :-
5.IMPERIAL College London United Kingdom 
6. University of OXFORD United Kingdom
7. University of CHICAGO United States 
8 . PRINCETON University United States
9 . Massacsetts Institute of Technology (m... United States)
10. California Institute of Technology (calt... United States)