chapang kum 12 bepchu asusen ahi. Hiche thilsoh hi achesa Lhamul nisim 14 nikhoa chu anasoh ahi. Hiche nikho masang Lhamul nisim 10 ninjong pasal kum 18 a upa khatnin Dimapur ningkoi lahchun numei chapang kum 13 khat ana suse kitnin ahi. Hitobang natohna nei teni chu Police ho nana mandoh tauvin ahi.
Amasa penna kisah setna neipa tehsepu chu ahileh Dimapur, Chumukedima hopsunga um Vidima khoa cheng Ratuo Sokhrie ahi. Amapa hin chapang kum 12 nuchu ainsunga natohsah dinga akoulutna asuhset ahi. Aban kitna pa chu ahile Maizul Ali ahin auto-rickshaw tol ahi. Numei nuchu rail kikham namun khatna apuiya asuhset ahi. Gah hetding khatchu lha masa ajong natongmi phabep hon numei khat asuhset nunga atha ujong ana um ahin, hitobang numei chunga khansetna aumjing jeh'a hi Nagaland gamsunga muntin'a lamlen jotna ana
neijing u ahi.
Shillong khopi a pasal chanei theilou pung
Shillong, Lhamul 17(NNN): Hetgilna neiho seidannin Meghalaya a hin pasal chanei theilou apungcheh cheh e. Advanced Medical Research Institute (AMRI) hospital, Kolkata a konna hetgilna neihon Shillong khopi ahun-
gvil uchun Woodland hospital toh kithon Meghalaya pasal tampin cha aneithei louna ajeh amudoh taove.
Amudoh uchu pasal hohin dumchep leh judon ahabol behsehjeh u ahi atiuve. AMRI hospital munna
IVF centre a alenpenpa Dr. Sudip Basu hin dum leh jujeh a chanei theilou tamma ahi ati e. Dr. Basu hin
India sah-solam gamkaija pasalho 15-20 per cent hi chanei theilou ahi, tin aseije.
Dr. Vasu leh Consultant-infertility Dr. Madhav Das in Meghalaya thumvei akivil sunghin pasal chanei
theilou mi 200 akimudoh e ati honnin 'World Health Organisation (WHO) in natna ahi tia aphondoh
pasal chanei theilou Shillong'a apuncheh cheh hi lungkham aumlheh e, mipi hilchah nading tohgonhi akingaichaiî tin asei hone. Amaho jonghin mipihon hichi natnahi ahetthem theina diuva AMRI hin chanei theilou natoh kisaija seminar leh workshop akah lah lahleh kineiding ahi tinjong asei uve.
Goa hou lamkai khat in athi ho sana dangka toh kivui tha ding phal lou
Panaji, Lhamul 17 : Koi hileh athi ho insung miten sana-dangka toh vui khom ding atiuva ahileh kivuina kin
kibol lou ding ahi tin Goa Roman Catholic hou lamkai khat in aseiyin ahi. Amapa chu Father Raul Colaco ahin
Goa Velha muna hou lamkai a pang ahi. Hiche thupeh aneina ajeh chu masanga sana-dangka toh ana kivui
ho lhankhuh chu miphalou hon alai kit uve tia akisei jeh a hitobang khamgah nahi anei ahi. Police a complaint
abol nauva miphalou ho hin lhankhuh a chu sana-dangka uma ham tia akhot doh kit jiu ahi akiti e.
Hiche thupeh hi mipi ho phatchom na dinga kibol ahin tun koi tobang khat thi jong leh sana-dangka toh
kivui thei lou ding ahitai.
Hiche hi masang peh a patna boina ana um ahitan hijeh achu Parish council in thulhuhna kinei ahi tin Colaco in
aseiye. Mipi hon jong hitobang thulhuhna hi akipapi uve ajeh chu koi tobang khgat chu sana-dangka toh kivui khom ahet doh uleh miphalou hon alhan chu alai jeng u ahi. Tua kipat hitobang boina hi umlou ding ahitai tin
Colaco in aseiye. Goa gam hi mi khat athi teng leh sanadangka toh kivui ji ahin hiche hi chenna lhongpi khat a
umdoh khat ahi akiti e.
Tuchunga Pakistan toh kihouna alolhin lou jeh a Indian media lungkimlou
New Delhi, Lhamul 17 : Tuni chun Indian newspaper hon gam teni kihouna alolhing poi tin Pakistan Foreign Minister Shah Mehmood Qureshi chu nasatah in themmo achan un ahi. Thuso atamjo a 'Qureshi chun chamna athat e' tin akisei in ahi. Hiche hi Indian foreign minister SM Krishna chu Islamabad akon New Delhi ahung le lhun jouva kisei ahi. Islamabad in India chu seikhom ding thu alheng chil val e tin demna aneiyin ahi.
Alangkhatna India in galguh bol ho ahin sol lut jingin adeh a Kashmir gama boina asem jinge tin Pakistan athemmo sah in ahi. Qureshi in aseina a India in galguh bol ho bou she aseiyin hinla Kashmir a iti chamna umthei ding ham agel khoh poi ati. Kihou na amachal lou vangin Qureshi leh Krishna chu NewDelhi muna kimuto kit lhon din akisei lhon in ahi. Het ding khat chu Mumbai kino khum jouva mi 166 athi apat India leh
Pakistan kihouna hi ana um lou ahitai. Lhumlam gam hon jong chamna aum ding adeisah jeh un India leh Pakistan kihou cham ding anom un ahi. Ajeh chu India leh Pakistan a chamna aum lou leh Afghanistan a jong chamna umthei deh lou ding ahi akiti e.
