himaithei jinte. Tohding khatchu itoh tokah a tohlouva umjing ding ahi tijong iheuve. Abang komleh tohlouva idesot tengleh anase jitai. Natoh neochakhat napat alenpen geija itohpat jeng louleh tohlouva umpeh ding ahi. Thilkhat bol inge ititeng ilung sungah ëtua bol angaipoi. Olleh bolnan nateí tia thucheng kisei akijajin ahi. Olleh bol nange tia idalhah chu bollouvin aumden jitai. Hicheng pihi ipijeh ham itileh ithaset jeh ahi. Ithaset jeh uva thil aphatcha ibolnomlou ahi. Hitahi sotpi ichepi tengleh pailhah theilou habit phalou akisoh jitai.
Tunia itohthei khat jinga dinga kikoihi mihemte lhahsamna khat ahi. Natoh hi kakin ahi tihi akihenan ahinlah hunamma kibol nahi aumtokah in akitong nompon olla bol dingin akikoidoh jitai. Min natoh thasetna ahin
neiteng alung akicho thouva avella lunglutna neitah a na atohkit theina dingin private natohna munho chun "incentive bonus" apeuvin chuleh sorkar office hoa chun akumseh in tolop akalsah un ahi. Itoh theikhat jinga dia kikoihi thil phalou ahi tihi mijousen akihenai.
Phat hi tukhang deh deh hin amantam lheh jenge. Tulaihin, thil jouse hi gangtah tah in akibollin, malai mihochun hibanga ikino dannuhi amang uvinjong matkha pouvinte. Ipu-ipa techun Bombay, Delhi tiabou anaseijiu ahin tunvang pung-thumma lhunthei ahitai. Gangtah a thil kikhel hotoh kilhonkhom theina dingahi mihemte jonghin gangtah a chaloh jehi akijil angaitai. Vetsahnan, mikhat chu thukhohtah khatnin Delhi chego tahenlang hileh huikong kingahna munna matah a alhun angaije. Minute nga seh gei jongleh hiukongin anadalhah a atohding jouse chu kilegam ding ahitai. Chihna thepna leh technology hi asan channin phat manjonghi atamdeo deovin ahi.
Jingle thaija tohdinga natoh ikoi dohleh anakise khommin tampi anaphaji tan, itohchai nomleh nidanga sanga hatoh ding angaitai. Simlai chapang ho ajilkung teuvin inna tohdinga homework ahinpeh houkhu school kailou ni leh kibol nante tia akoijiuvin, school kalouni tenglelah aloiho jouse ahung kichep teng uleh touva homework bolchai dingchu hahsa asajitai. Homework bollou ahitahjeh hin school ahung kihon teng jilkung ho ajoulhep angaitan ahi. Aphatcha atoh dingdol kitohchai hohin lungel bukimna aneijun ahi. Amale ama themmo kichanna anei tapouvin, mi vetsang jong achang uve.
Meilhei holeh kolhohi aleilaovin, themkhat adammo thimmu jongleh lou in ajonpai jeng jiuve. Eimite vanghi nat thoh hatte akihin, idammo tengleh lou kinevahlou doctor komjong akijonvah nompoi. Idammo tengleh, atamjo hin natna thupi hipontin achammin hungpha tante tin akigelji e. Ahin, hitihi hilou dingdol ahi. Itahsa chunga anommo aumleh gangtah a jendin aphai. Idammona chu jenlouva ikoi sotleh avaigei nungleh ijen jongleh phachomji lou ahitai. Damtheina hi thildang sanga gelkhoh masat ding ahibouve. Itoh dingkhat aphatcha tohchai theina dinghin discipline leh bolnomna lungchang nei angaije.
Abang komleh, ithasetjeh un itohding khatchu tutun kitonghih jongleh akhohna aumpoi tin jinga dingin ikoiji
taove. Exam boldinga kigong ihiuve tin gelta leuhen, exam nikhochu ahunglhun teiding ihet vangun nikho tampi aum nalaije tin ikinomsah jiuve. Nikho la achejung jung jeng vangin lekhasim ikipan hihlaijun, natoh khohtah kaneijin tongchai masange itijiuve. Ahimong ham itileh iphat uchu T.V. vetna, khulai lenan imangun, exam phat ahungnai teng kichatnan idimji taove. Hijehchun, bolmasat pen dinghi ipiham lhendoh a athupi behsehlou hochu olla boldinga koidoh tadi dingin aphai. Phat kitol danhi agang behseh in achainaleh society jong kiseida taleh eima phatchomna dingin jong ima tongdoh louvin ana kium jitai. Dumchep le khaini ne jouse hin akinga nom min, ngahna thei ahipouleh sum sending hinjongleh akingap chalelpoi. Dumchep, khaini neh ngahna dinga tuni khella aphajo hoija aumdem? Ngahding tia nakigel lhahchu gal akehkhat chai nahitai.Ahinlah, nakigel lhah nunga angah dingkhu ahi ahahsachu. Chepnomna, momnomna nanei teng aphat loudan geldoh inlang, nangah jeh a aphachom namu ding hochu geldoh lechun, nalung sunga bolkit ding tia thanopna nanei hochu joutan ate.
Tohding ho jinga dinga ikoinao ajeh hi ithasetjeh u ahibannah lungsunga kichatna ineijeh u ahi. Kalhinlel
dingham, ahahsadem, min eiseise dem, tin kichatna inei uve. Abang komleh, lungel lhahna jeng jonghi anadihmo khadem tin ineingam pouve. Adihlou anahi khaleh kisempha theilou ding ahi tia ikichatnu ahi. Tohding tampi nei nahileh khat khatnin tongin, ahin natohlou hochu sumildeh hih in ajehchu natoh tokah in anachemang pouvinte. Tohding ho jinga dinga ikoinaohi kingaisena ineijeh ujong ahi. Tampivei hi natoh dingchu jinga dingin koile chun kingai senakhat hinneijin natin najompeh ding ëhabití na naneidoh ding ahitai. Thilbai vang ahipon, "habit" phalou hohi aphatoh ilheh tengleh jingle tong nange ti thuchenghi beitante.
