in mopohna anei ding ahi tin counter-terrorism officials ho leh terror analysts hon aseiye. Hitia thuso kibol hi Al-Qaeda masanga sanga alhahsam phat a mi tilkhou nadinga kibol go ahi tin CIA official khat in aseiye.
Hiche thuso boldoh dinga natoh nei hi Anwar al-Awlaki US a peng radical cleric tua Yemen a cheng pa lamkai na a kibol ahi. Hitobang a thuso kibol hi United States a mi tampi tilkhouna phatah ahi. Tu masang geiya chu Al-Qaeda hin Arabic websites ho amanchah ji anahi e. Tua vang US gama mi lahlut na ajong thuso amanchah thei diu ahitai. Hiche to lhon chun American mi Bryant Neal Nivas leh Najibullah Zazi chu lahlut in aum lhon tai. Amani hi New York akon Pakistan a US dou dinga kichuhna aneilhon ahi akiti e.
CRPF sepai ho hi broiler Ahcha tobang ahi : Maoist
Nagpur, Lhamul 1 : Leisemnia Chhatisgarh state Narayanpur muna Maoist hon CRPF ho ana lamtkin uva
mi 27 atha nau chunga CRPF hohi "broiler Ahcha" tobang bep ahiuve tin Maoist hon asei uve. Maoist hon aseina CRPF hohi farm ahcha tobang van khat a tam tah a kitol le ahiuve ati. Gammang lah a CRPF ho
patrolling a ache jiu hi galguh bol ho chaloh dan ahet them lou banna lunggel-ngaito lam a jong hahsatna tampi atoh uve akiti.
Janhi chun Cherpal leh Gangaluru kikah a bomb khat apokeh jeh in CRPF mi 4 ana kitongkha kit in ahi. Leisem nia kibuluna hi Dantewada leh Pedakodepal muna kibuluna akibang chet in ahi. Naxal ho hin lampi a
thang akam uva CRPFho aum kimvel jou phat uva thal a akap u ahi. Hiche jeh a chu security personnel hohin jam nading ahet lou u ahi.
Chintalnar muna CRPF mi 76 athi jong chu jam nading ahet lou jeh u ahi. Thulhut kimu dung juiyin pung kal
khat tobang kikapto na aum nung teng CRPF ho athi ji tai akiti e. Kashmir gama boina hi CRPFs hon phatah in avesui jou uve. Hinla a Naxals ho chunga vang ama hoi hin natoh dan ahet lou jeh un athi thi jeng uve tin
Chhattisgarh senior police khatin aseiye.
Vannoi in Afghanistan a natoh anei jing dia India in ngehna nei
United Nations, Lhamul 1: Afghanistan gama chamna aum thei na dingin vannoi nam tin in pan alah jing din India in ngehna anei jin ahi. Ajeh chu Afghan a thilsoh jouse hin ichan ham khat India jong atoh khah ahi. Gamkai khat a kium ahi banna phat sot tah Afghan mite toh kitimatna kinei ahi jeh in agam a thilsoh ho chu India atoh khah ahi tin permanent UN arepresentative Hardeep Singh Puri in aseiye. Hiche thu hi Security Council in open debate on Afghanistan tia kingon abol na a Puri in asei ahi.
Transnational terrorism suhmang nadinga Afghanistan ahi chamna aum angaiyin hiche nading a chu agam a gaolguh bol ho suhmang angaiye ati. Afghanistan gama vannoi nam tin in kithopina nasatah anei in ahi. Hiche jeh ahi itih leh Afghanistan hi achama le khantouna aumthei na dinga pan alah jing angaiye ati. Afghan constitution dung juiya koi hileh boina nuse a galguh bol ho toh kitimat lou chuleh mipi vaihom dei ho chu India in apanpi jing ding ahi ati. Tu thah a Afghanistan boina asan cheh cheh jeh in chouna tampi aume. UN Secretary in aseina a 2010 lha 4 sungin IED bomb a kibuluna 94 percent in akal in chuleh kitha-kimat 45
percent in akal e ati.
Afghan leh Pak a Al-Qaeda ho lhasam lheh ta
Washington, Lhamul 1: Afghanistan leh Pakistan a um Al-Qaeda leh anung jui galguh bol ho hi masanga
bangin ahat jou tapouve. Ajeh chu amaho hin jat le nam douna a na atoh jeh un Muslim atam jon apanpi
tapoi tin US official luboh khat in aseiye. State Department a Principal deputy co-coordinator for Terrorism Rober F Godec in aseina a Afghanistan leh pakistan gama Al-Qaeda hi a lhasam lheh tai ati.
Aman aseibe na a hiche gam teni a mipi hon Al-Qaeda suhmang ding anom tauve ati. Achesa kum phabep
sunga Al-Qaeda in lolhin na phabep nei jong leh thil dang tampi a alosam e tin Godec in aseiye. Al-Qaeda in Muslim ho adeh a Algeria, Iraq, Saudi Arabia, Pakistan, Indonesia chuleh mun dang danga jat le nam khen telna anei jeh in alhasam lheh tai ati. Pakistan military operation jeh in galguh bol ho hatna mun Federally Administered Areas a tampi athat tai. Al- Qaeda lamkai luboh phabep athi phat in lhahsam na lentah aum tai tin State Department Official chun aseiye.
