Impah, Lhadou 9: Go ahajuhjeh in Imphal tolpi sunga munnem lah a cheng hochu leisemni jingkah chun a insung uvah twi adimtai. Imphal West district a Nambol vadung aletlhah jeh in mun themkhat chu feet thum channin twijin achupme. Irrigation and flood control (IFCD) department sei dung juijin Nambol vadung hi
“higher flood level” aphan, Imphal vadung hin “flood level” aphan chuleh Iril vadung vanghin “danger mark” apha hih laije. Imphal West district a Iroisemba leh Wahengbam Leikai kikahíh mun 7 ahilouleh mun 8 tobanga hin vadung twi aletjah e tin department chun aseibe e. Janhi chun IFCD minister, N. Biren nin thusoh lakhomho kommah twi atam behseh jeh a Singda Dam pohjal maithei ahi tia thu kajahjeh in tujingkah in kagaven ahinlah, go ahajutjeh a twi letdohmai mai ahibouve tin aseije. Twi letjeh a genthei thoh hochu department nin kithopina thei channa akithopi ding ahi tin aseiben ahi.
Twiletjeh hin Imphal tolpi sunga Cheirap complex a lower Court chu janhin akikhah e. Imphal West district a lampi phabep chu twialetjeh in traffic police hon akhah un ahi. Janhi jingkah apatnin local club holeh kiloi khomna phabepmin twi letnin atohkhah mipi hochu akithopi uve. Imphal East leh Imphal West district a lampi phabep chu twijin achup manghel jong aumme.
Akumseh a gojut phat lehin IFCD department hin adeh a twi letnom namun Imphal tolpi sunga twi ahung letkhahleh tin kiging demsan aum jinge. Achesa kumsom sungchun Manipur sungah thumvei jen twi hatah in alenkha e. Masanga Imphal sunga twilet jichu twilamho abinjeh chuleh vadung letlhahjeh ahi. Imphal kom vella vadung hochu Leisemni janna konna pompanna ahitai. Thinglhang gamho a go hajuh jeh in mun chimmin lamlen ahuhbinge tin thulhut akimu e.
Loubolho dinga kipa umtahchu gojuh hi loubol kipatna thei ahi. Loubolmi themkhat di vangchun go hi
ajuhsot beleh aloulai twijin achup dingin aumtai. Tukumma hi Indian Meteorological department hon “normal monsoon' hiding ahi tin anasei uve.
NH-53 a munchim, gari tangden
Imphal, Lhadou 9: NH-53 a Irang leh Awang Khul munna mun achimjeh in thilpo truck hochu ahun glut thei tapouve. State sorkar hin party dang ngahlouva NH-53 aganna thei channa kisem panding ahi tia anaseisa ahi. Barak lei ahin gari som atang dennin chuleh thilpo truck 100 hi Minister K. Ranjit guard hohin ahin kilhon piuvin, ahinlah Irang muna munchimjeh in akingaden taove. Minister pa nungjui holeh midang akithopi hotoh munchimhi suhngim ding hatah in ago uve.
Nithum nili atanden nalaidiu ginchat aumme. Alang khatna thilpo truck 150 tobang Gurathel munna tangden hochu minister pahin kithopinan Rs. 15,000/- apen ahi. Hichi truck hohi Makru lei phatlou jeh a tangden ahiuve. Thulhut kimu dungjuijin truck tangden hohi UNLF kahiuve ti mi themkhat nin tax alaovin chuleh driver khat avouvin adang khatma chu akaimang uve. Akaimang paohi Mayang Imphal’a Nanda chapa Oinam Dinesh akum 29 ahin, driver avoh paohi Mayang Imphal’a Thouba chapa Oinam Vicky akum 36 ahi.
Thulhut kimudung juijin UNLF kahiuve ti mithemkhat hi driver hotoh kinelsang khaova hichi thilhi hungso
hdoh ahi. Thilso jouhin truck tolhohin Minister team hin akilhonpi diuvin angeh uvin, ahin Makru lei aphatlou jeh chun akilhon theideh pouvin, minister team hochun security nangaitopeh nao vinge atiuve. Minister team chun SDPO leh Jiribam OC kommah truck tolhohi naven bitdiu ahi tin thu apeuve.
Thadou-Kuki Literature Society in thuphon na nei
Imphal, Lhadou : Thadou-Kuki Literature Society, Manipur, kikhopna (Emergency Meeting) Lhadou nisim
5, 2010 nikhoa kilolna (resolution) dungjuijin Pu Sutjamang alias S.G Kipggen, Vice Chairman chu Acting Chairman din lhendoh ahitai. Ajeh chu Pu (L) Paokhohang Haokip, Chairman mun a ontah jeh a ahi.
Hiche toh kilhonin, Executive committee cheng in Pu (L) Paokhohang Haokip Insung mite vil lhah na le
thitui buhna kin jong ana kinei jin ahi, hichea athipa chunga lainat pi vetsah nan 1 minute (silence observation) thipchet na dilkhom na akinei je in Khaimang Gen. Secy. In hetsah na aneitoh lhonin thuphona aneijin ahi.
Chule, Literature Society in tuchunga HSSLC le HSLC exams ma Thadou-Kuki chanu chapa apachang/ lolhing hojouse chunga kipapi na akiphonge. Adeh in Thadou-Kuki subject a marks musang hoi jouse kipapi na akiphone.
PU (L) LALKHOPAO SINGSIT MEMORIAL AWARD
WINNER : (HSSLC) Roll no 1035-Mr. Thangminlien Haokip -marks 90-Seikholal Ideal Hr. Sec. CCPUR PU (L) THANGKHOPAO KIPGEN MEMORIAL AWARD WINNER : (HSLC) Roll no - 16595-Miss Dimneilhing Touthang – marks 91-Model Mr. Sec. Saikul
Kom-Rem Union in memorandum lhut
Imphal, Lhadou 9 : KomRem Union, Manipur chun Governor kom lhung dingin memorandum ana seplut
uvin ahi. Kom-Rem Union President Pu. John L. Karoung Kom chun Manipur Press Club muna thuso miho koma thuphon aneina ah, "Kom Tribe hohi nei le gou hoa lhasam chule politics hoa jong muntinna kichen jalla lhahsamna kineilo ahipeh in ahi.
Ahinla tuchung Lhaphul 31 nikho a Dampi polling station muna ADC election chung changa Kuki Community lah a loikhat hon ka rights u ei pohdohsah lou uchu nommo kasah nakhat u ahi’ tin aphongdoh in ahi.
Indo-Myanmar in kum 40 lhinna bi-annual meeting nei
Imphal, Lhadou 9 : Kum 40 lhinna Indo-Myanmar Bi-Annual Liaison Meeting chu HQ 3 Corps ho umna noiyin HQ IG AR (South) Assam Rifles muna ana um in ahi. Government of Myanmar akon in Brig Gen San Tun, Dy Cdr, NC lamkai na in delegation 15 jaonaín Lhadou nisim 8, 2010 jinkah lam nidan 9 am vel in Moreh ahung lhung un India te lamía 26 Sector a Commander khat in ana lamto in ahi. Myanmar Army delegation ho chu HQ IG AR (South) mun vailam chun kipah tah in ana lamto uvin ahi.
Myanmar Bi-Annual Liaison Meeting chu Lhadou nisim 9 nin HQ IG AR (South) Assam Rifles, Mantripukhri muna ana um ahi. Indian Army delegation hochu member 15 alhing uvin Major General C A Krishnan, IG AR (South) in alamkai ahi. Indo-Myanmar Bi-Annual Liaison Meet chu gam teni a dia kihet themto na ahin chuleh alang gel a Army teni in gamgi vel’a galguh bol ho jong suhtang nadin lunggel ho jong aseikhom uvin ahi. Hiche meeting chun delegate a hungjao ho jong changval in akimel hetto uvin gam tenin golcha tah a pan alah khom lhon ding dan avetsah in ahi. Ahung gamkon Myanmar delegation ho hin Imphal khopi lam ahin jot masang uva Kolkata le Gaya jong agavil diu ahi.
Surrender leh in kilena kin kimangcha
Imphal Lhadou 9: Manipur khangthah phabepmin galguhbol haisan’a amaholeh a insung mite phatchom na dingin chamnaleh lungmona lampi jot tange tia akigellhah jeh uva in hung kilena kinchu Red Shield Division hon agonpehjeh un Red Shield Division ho dinga suhmil theilou nikho ahitai. Hichi kin ahin, PLA 2 leh KCP (MC) 4 in agal manchah uchu GOC, Maj. Gen DS Hooda, VSM leh DGP Manipur Mr. Joykumar, IPS masangah akoilha taove. Gollhang 16 KCP (MC) hon sum leh natoh peuvinge tia alhep uva nam phu a anomlousa saova galguh bolho ngahmunna apuihou jongchu a insung mite khutnah akilepeh taovin ahi.
GOC 57 Mountain Division chun ‘Hichi khangthah hohi mipilah a hungjao kitna chamna hinkho manga kho helouho thisan solouva aumkitna diuvin kalemmeî tin ahoulimme. Gen. pahin ìmi galguhbol haisan atamtan, hichihin mipihi kitha kimat ngah a cham della hinkho manding anomtaove ti avetsah ahi. Manipur mitehin chamna bouhin khantouna leh inchenna lampi apolut theije tihi ahetaove.
Khangthah hon galguhbol ahaisannu hi pachat umtah ahi, ajehchu Manipur khangthah dangholah a ithanei chasun uhi thil suhsetna hilouvin natohnajoh in man gu hite ti avetsah u ahi. Amaho thilpha bolhi galguhbol adang honjong ahin juidiu kinep aumme’ tin aseije. Amaholah a mi themkhat hin galguh bolhon ajoulhep uva anunbol nahou thu, achamlou uva meithal achoisah uva, asuhgenthei uva chuleh an angolsah naothu asei uve.
Avella mipilah a ahungjao theikit jeh uhin thil hinging tupmah Army ho chunga akipanao asei uve. Amahon Manipur mite henga athumop nom uchu ‘Galguhbol chom chomho kilhep lhahsah in nachateu hinkho manlutah chu pedoh hibeh un.’ GOC pahin atohkhompi sepoy ho kommah galguhbol tamna gamma chamna leh lungmonna ol olla ahin lhalut uhi pachatna apen ahi. Khangthah hochu phatthei aboh in khangthah dang honjong chamna lampi ahin kilhendiu akinepna aseije.
An- ngol kiphin jeh a MPP President pa tahsa damtheina boi
Imphal, Lhadou 9 : National Highway teni a blockade ana um chu state leh Union government in nahsa mo a aum jeh in Manipur People’s Party President Nimaichand Luwang le Speaker ana hisa Sapam Dhananjoy in Lhadou nisim 7 nia pat in thina chan an ngol kiphinna anei lhon in ahi.
Tunin MPP office akon Nipa Jodhachandra Sanasam in thuso miho koma aseina a Luwang in an angol jeh in atahsa alhasam tai tin thuso miho hetsahnah aneiyin ahi. Aman aseina a Nimaichand hi diabetic vei ahin hijeh chun phat tep umlou a anat na in ahinsuh ding chuleh second seh a atahsa hi khohse cheh cheh ding ahi ati.
