Lhadou 9 : Achesa Lhadou nisim 8 nikho a Govt. Order No. 15/15/ 2001-FCS, a phondoh na bangin Imphal West District a lou lhou miho adin HSD 20 litres Tractor/ Kubota/Power tiller adin gin DC office complex, Babupara muna ahung lhung ding
10-06-2010 nikho jing- kah lam nidan 10 am apat 4:30 pm gei hopdohna umding
ahitai tin L.Somendra Singh, District Supply officer (CAF & PD), Imphal West District in hetsah na aneijin ahi.
PREPAK 1 kiman
Lhadou 9 : Achesa Lhadou nisim 8 nikho nin HQ IGAR (South), 26 Sector noiya um 29 Assam Rifles hon NH-39 Sita Track Junction, mobile check post mun a nilhah lam nidan 4.15 pm vellin Maruti Van a Moreh apat Imphal hinjon chu check abol nauva thingnoimi PREPAK khat anaman uvin ahi. Hiche PREPAK kiman pahi Myanmar um Muthi camp apat pansa chu Imphal muna thingnoi hotoh kikhutjop ding tohgon nei a ahungna a kiman ahi tin thulhut chun aseije.
Chule AR hon amatpau hi ahile No 29730 SS L/Cpl. Macha alias Oinam Koba Sing (Military intelligence) kum 19 a upa hi Imphal East a um Oinam Singhajit alias Anangcha chapa, r/o Bashikhong Irilbung akon ahi tinjong thulhut chun aseibe in ahi.
