By Helun Elson Haokip

Masangjep chun "Gosem" mama a hin vannoija Christianity hi Hou/Sakho lenpen ahidan vetch
ilna khat anakiso chu inasim doh tahdiu ginchataum in, hiche copy pen chu mi seina a kahet ahin, keiman
kana simman pon, hichea figure ho to hin akitolouna aum khah leh source chom chom ahijeh himaijinte. Ahin tunia isei diu dan hi amasa a sanga chu jatchom jep hitei ding ahi. Tupet a vannoi leiset umdan hi gahsei din, Continent Gup - Asia, Europe, Africa, North America, South America chule Australia/Australasia/Oceania leh mihem chenlouna Antarctica ho hi ahi. Antarctica hi buhbang gam ahin, mihem achenlou jeh in Continent
ho lah ah akisimtha poi. Chuleh tupet hin Chamlhat Gam (Independent Country) tichu UN Member gam jat hi 192 alhingin, hiche hi Taiwan gam bou panglou ahitan, adanghi Greenland dung tabang dependent gamho tailou adangse hi United Nations Organization (UNO) a hi pangsoh tabang ahitai. Masanga chu Switzerland, North Korea le South Korea kitiho jong UN member anahilou ahiuvin, tunvang apangsoh tauve. Chuban in tupet a leisetchunga mihing jat hi Taimah Gup leh Neil Jasagi (6.7 billion) tabang ahitai. Chuleh UN member gam 192 laha hin gam 117 hi Chistian majority ahina gam ahin, Christian minority ahina hi gam 75 bou ahije.

Hiche gam 75 laha jong chun Chistian mi jat hi ani channa ahilou leh athum channa a apanphahna jong ijat ham aumkit in, Indiagamajonghinathumchanna(HinduleMuslimbantah) ahi. Hiti dolla chu akivet leh Leisetchunga mihem hopgup a hop a hopli chu Christian hiding, hop ni chu Hou dangho hiding dol ahi. Hinlah vannoi mihem hopgup a akihop leh hopni bou Christian ahin, adangho hi hopli joh chu ahiuve. Ajeh pipen
hi akivet leh vangset umtah in, leisetchunga mihem tamna pen gamho (adeha Asia sunga ho) tichu China, India, Indonesia, Japan, Pakistan leh Bangladesh hoa hin Christian ho majority ahina gam khatbeh jong aumpoi. Hijeha chu Lhumlam gama gam tamtaha majority ahivanga solam a mi tamna pen gamhoa Christian alhom tah jeha chu Christian mi jat hi ahiding banga tamtah hijou lou ahitai.

Leiset chunga mihem tamna pen gamho laha Christian ho majority ahijou na gamho chu- USA, Brazil, Mexico leh Philippines gamho hi ahiuvin, Russia gama jong Hou lah ah Christian atampen in hinlah Pathen um tahsanlou (atheist) ho tamtah aumkit uve. Leisetchunga Christian  mi tamna pen gamho a mi cheng jouse jat toh Christian mi jat gah vetkah uhite - United States (mijat -307 million; Christian jat - 254 million, Magazine khat a chun US gamía Christian  jat hi 238 million tin akisun in ahi), Brazil (mijat -198 million;
Christian jat -167 million); China (mijat - 1,338 million; Christian jat - 110 million - uncertain); Russian Federation (mijat -141 million; Christian jat - 64 million); Mexico (mijat -112 million; Christian jat -104 million); The Philippines (mijat -98 million; Christian jat -74 million); hiche ho hi latest estimate figure chu ahin, lekhabu dang danga toh kitohlou maithei ahin, ipi lam hileh population statistics kipehdan ho hi akibang chet ti hi aumthei behseh poi.

India gama tupet a mihing jat hi Taimah khat le Neil somlegup (1.16 billion, i.e. 1,168 million) vel ahitan, over-populated ahidan chu African Continent pumpi (Chamlhat gam 53) a mihing jat jouse kigom sanga jong tamjona lai ahi. Agamletdan (area) lampanga akivet leh African Continent hi India sanga achan giet val (more than eight times) a lenjo nalai ahin,Africa a mi alhom joh kiti chu India gama hi mi tamval mong mong ahitai tina hijeng ahi. Hiche India gama mihem billionkhat valjel laha hin Christian mijat hi 28 million tabang bou
alhingjouve; (Whitakerís World of Facts kiti lekhabu a chun, India gama Christian jat hi 68 million val dan in akisun in, hiche hi phataha akikhuol a kona kimudoh dan in, akiseival ahin, India gam a hin tupet hin Christian mijat hi atampen leh 30 million alhin jou leh atampen hiding in akimudoh in, hijong chu atamtheipen a  estimate kibol ahitai). Vetsahna a India sunga mijat chu 100 ahileh Christian ho chu mi 2 or 3 tiho bep hiding, Non-Christian ho chu mi 98 or 97 ahiuve tina ahi. Tulaijin lekhabu kisodoh ho tichu Yearbook ho, Encyclopedia ho le GK book tamtah akivet leh Hou chom chom ho population kipehdan akibangpon, hiche article a kipe figure ho hi kivetoh a adihtoh kinailam pen hidia kigel pen figure ho chu hin kipe ahi.

Fanatic Hindu hon India sunga Christian hataha pung danna asei vang un, athangthiip jeh uva aseiju bou ahin, census akivet leh Christian mi jat hi masang 20th century kipat til laija bang chun amachal jou tapoi. Ajehchu tulaijin mi jouse ahung khangtou tan, min ama hou cheh adihpen in akigel tauvin, mi convert gahbol ding tihi abailam tapoi. Ahin solam gam adeha Japan, China, South Korea, Vietnam, Indonesia, Thailand, etc.
hoa hin tuhin vangphat umtah in Christian Hou hi nasatah a machal dan in report akimui.

China gam hi Vannoija mihem tamna pen gam chu ahi ti iheuve. Hiche gama hin Pathen um tahsanlou (atheist) ho atampen uve. Tulai hin China a hin Christian Hou nasatah in amachal in, hinlah gamsung authority ho hin, Christian mi apunbe jing hi ahin doudal pan tauvin, hijeh chun mi kisimna a jong hin Christian mi jat hi statistics dihtah vannoi het dia kiphongdoh aumtheipoi. Whitakerís World of Facts kiti lekhabu a chun China gama Christian ho hi mihing 110 million lhing dan in akisun in, hichu ahileh vannoija Christian tamna pen gamho laha pangpha tina ahitai.

Tupet hin China te hi mihing Taimah khat leh Neil Jathumle somthum le giet (1.3 billion, tichu 1,338 million) alhingtan, hiche dungjuija hi akisei leh China gama hi mihem 100 aum leh Christian mi jat chu mi get tabang lhing tina ahin, mihem 92 chu Hou neilou ho leh Hou dang dang juiho hidiu tina ahi; magazine khat a chun China gama hin Christian mijat hi 10- 20 million (neil som a pat neil somni) kahlah ho bep ahiuve tin akisun kit in, hoiche pen chu lahding ham hetthei ahipon, China gama tutua Christian mijat 110 million alhin ding vang hi tahsan ahahsan ahi.

United States of America (USA) hi vannoija Christian tamna pen gam chu ahi. US hi vannoija gam letdan (area) a akisei leh lichanna (after Russia, Canada & China) ahin, mi tamdan (population) langa akisei leh athumchanna (after China & India) ahikitne. Chunga isei bang un, US gama mihing jat chu 307 million tabang ahin, hiho laha chun Christian mijat chu 254 million tabang ahin, hiche dolla hi akisei ding leh US gama hi mi 100 aum leh Christian jat chu 80 val ahi tina ahin, adangho chu mi 18 tabang hidiu dan ahi. Hou dangho laha hin Jewish (Israel mi) ho hi 7 million val aum un, Christian bantaha atampen ahiuve (mun khat a chun Jewish ho hi USA a hin 3 million tabang bou umdan in akisun kit in ahi). Abana US gama Hou popular dangho chu Islam, Hinduism, Buddhism, etc. hohi ahiuvin, Hou neilou ahilou leh Pathen um tahsanlou
(atheist) jong mi tamtah aum kitne.

Vannoija Christianho laha hin Roman Catholic ho atampen un, mihing 1,122 million (1.12 billion) tabang ahiuvin, chuleh Protestant ho hi denomination chom chom tamtah aum in, hiche ho laha chun Methodist, Baptist, Lutheran, Presbyterian, etc. ho hi atamloija seithei ho chu ahiuvin, chuleh United Pentecostal Church (UPC), ho jong hi tupet a vannoija Christian denomination machalpen khat chu ahiuvin, hicheho cheng chu akigop khom leh atampenna 628 million tabanglhingjou dia ginchat ahi. Orthodox Christian (Eastern Orthodox), Anglican Church ho leh Seven Day Adventist (SDA) ho chuleh adang dang denomination neocha cha simsenlou tamtah aum kit in, hiche ho laha hin Protestant hiloi jong aum in, adang tamtah hin Protestant jong apom beh pouvin, hiho  chu akigop kit leh mihing 388 million tabang lhingjou dia ginchat ahikitne. Hitiho jouse hi ahung kigop khom leh vannoija Christian jat hi mihing 2.13 billion (Taimah ni leh Neil Jakhat le Neil Somthum le Giet = 2,138 million) tabang hidinga estimate kibol ahin, vannoi leisetchunga mi tamna pen Hou/
Sakho chu ahitai. Hiche figure ho hi kum 2010 a dia estimate kibol chu ahi.

Conclusion: Christian ho hi iti danía Vannoija atampen hijou ham tihi akivet leh ajehpipen hi Christianity
chu Hou dang jouse sanga adihjo le aphajo ahijeh hibehseh louvin, Pakai Jeshu in aseijui ho athupeh ìnangho vannoi leiset gam jousea cheuvin lang thilsem mihem namkim jaha hiche Kipana Thupha hi gahil lhang leuvinî tia athupeh chu aseijui hon ahin jui uva, hiche Kipana Thupha hi vannoi gam tamtaha ahin sap phong uva, amaho banna Christian ho tamtah hiche Thupha seiphongle dia ahung kipehdoh uva chule tukhanga Lhumlam miho adeha US le British mihon hataha ahin machal sah jehu ahi atiuve.

Chuleh Christian anahi masa ho laha Sapte tichu UK le US mihon vannoi gamtin ana toupha uva, amaho Christian  ahijeh uva hunam a mi convert ana bol monglou vang uva atoupha na u gamho a miho chu nasataha influence abol jou jeh u jong hinte. Ahin tulang hin mihem ho hi ahung chingdoh tauvin, hijehchun Christian Hou jong hi adihlou tamtah toh umtha ahi ti hi mi tamtah in ahin hedoh tauvin, Sahlam Europe a um The Netherlands, Denmark leh Luxemburg gamho laha khun Houin (Church) kai kiti hi nasatah in akhe suhtan, chuban in, Houin tamtah museum le entertainment theatre a kimang tampi umdoh hidan in thu akijan, chule Pathen um tahsanlou (atheist) ho tampi akisepdoh tai atiuve. Chuleh tuhin mi tamtah in Christmas, Good Friday, Easter Sunday, etc. ho jong hi ahung kipat dan leh akiman dan ho jong adihpon, Pagan origin hiloi jong aumin, chule aphaat toh kitoha kinit jong aumpoi ti ahung kihedoh cheh cheh in, hinlah tu hin khelthei jong ahikit tapon, akikhel ding leh Christian World a boina sohtheija aumtah jeh in, nikho kinit ho hi athupipon, eilhatdoh Pau Pakai Jeshu chu phatea ikihou u leh ahijenge ti hi ahitai.

A-ipi chu hijong leh vangphat umtah in vannoija Hou/ Sakho lenpen chu Christianity chu ahijeng in, mihemte
Lhatdoh dinga hungpa Pakai Yeshu chu ijuiju ahin, Kuki chaten Pakai Yeshu ihou khah u hi vangpha ikisah diu ahijengin, hinlah hiche kahlaha chu Hou dang dem jong angaipon, chule Hou dang jui ho sochat ding le sochat lou ding thua haboi jong angaipoi.

Mi tamtah in dih asaha ajui khat chu eiman bailam taha seiset thei ahipoi. Hiti chun dihtaha PATHEN ijui jing theina diuvin, AMAN phatthei eiboh jing tauhen, AMEN!