Johnson kidangtah a goal akhum chun England jona pe
London : Sempatnia Wimbley muna chun Glen Johnson hoitah a akichepnajal in England, Fabio Capello langhon Mexico chu 3-1 in ana joutan ahi. Led Ley King in England shirt kum 2007 a ahin kiah apat in apatna pen adding in goal khat akhum in chuleh Peter Crouch in international a 38 vei akichepna achun goal 21
khum jouna chu anei in, hiche akon hin England in inmuna friendly match achaina chu South Africa ache
masang uvin jona anei taove.

Yoo in LPGA Sybase Match play crown la
Gladstone : Sun Young Yoo in Sybase Match play championship chu Pathenni in akichep pi Angela Stanford chu 3-1 in final achun anajou in ama a dinga amasapen LPGA Tour title chu anala in ahi. 'Katup thupi chu achesa ni 2 hoitah a anakichep doh ding chu ahi', tin Yoo chun aseiyin ahi. Tuhin Yoo hiLPGA Tour a eight straight non US winner ahi tan ahi. 'Kagin chat sang in kabol hoi lheh in ahi' tin asei be in ahi. Yoo kum 23 a upa South Korea pat hung kipan doh nuhin tua akichep hi ama a dinga a fifth LPGA Tour season ahitan ahi. Yoo in Pars 13th leh 14th hole chu anajou in 15-foot birdie pult pum in 2-up lead ana la in ahi. A first birdie of the match chu parthree 16th a chun ana mu in ahi. Jingkah lang semi final a chun 28th seed Yoo in world number one le top seed Jiyai Shin chu 2 leh 1 in anajou in ahi.


Shahid Afridi in format 3 a Pakistan captain din mun poding
Karachi, Lhaphul 25 : Pakistan Twenty 20 captain Shahid Afridi hi tua ahung lhung ding Asia Cup le tour
of England a ODI le Test ho a hi captain dinmun alah kit ding ahi. Ahin langkhat a board hon hiche thu hi phondohna anei nailou vang un, thulhut khatin Afridi le team manager Yawar Saeed in tunin Butt chu a office a agaki mupi lhon in khonunga a tour nei ding ho thu chung chang a kihouna anei uve tin aseiyin
ahi. Hiche a kihou nauva hin flamboyant all-rounder Afridi hi hiche format 3 game
a hin het thei ding in Test, ODI le T20 a ding hin captain pan na ding dinmun ape in ahi tin jong thulhut chun
aseiyin ahi.
Chuleh hiche meeting anei nauva hin janni a sport chung changa National Assembly Standing Committee hon
player ho chunga ban le fine ho lah doh ding tia ngeh na anei hou jong hi agel lhuh na anei uvin ahi tin thulhut chun asei in ahi.

Swann in England Cricketer of the Year mu
London, Lhaphul 25 : Off-spinner Graeme Swann in akitetpi skipper Paul Collingwood le adang dangho
chu ana khel in ìEngland Cricket of the Yearî award (kipa man) chu Lords mun a chun ana sang in ahi. ìHiche
award la thei a ka um jeh hin hatah in kipana kanei in ahiî, tin aman asei in ahi. ìKei a ding in tukum hi vangphat nan eibop kum ahi. Chuleh lolhinna jong sangtah tam tah kamu in ahiî, tin kum 31 a upa Graeme Swann chun England le Wales Cricket Board (ECB) in host abol award a chun aseiyin ahi. Hiche award British media hon alhen nauva hin Swann in akitet pi StuartBroad, Andrew Strauss, Paul Collingwood leh Jame Anderson ho chu anajou in England Cricketer of the Year chu analah ahi. Swann hi England a ding in match 45 akichem in chuleh wicket 99 anala in ahi. ìEngland team a kichep hi katha anom in chuleh hiche award kamu hi khonung leh kei dinga kitil khouna lentah khat ahung hi ding jong kaki nem in ahiî tin
Swann chun anasei be in ahi.

French Open Second round a Murray lut ta
Paris : Fourth-seeded Andy Murray in Sempatni a French open First round achun Franceís Richard Gasquet 4-6, 6-7, (5), 6-4, 6-2, 6-1 in ajou tai. Murray hin ama set nisunga chun kichepna ana lokhum joupon ahi. Fourth round kichai in akeng aboi jeh in Gasquet chu akeng jutsah ding ngaicha in alhei doh in ahi.Wimbledon 2008 a Gasquet ana jo achun Murray hi set anina chan ana lel masa in ahi. Gasquet hi cocaine aneh jeh Test positive anahi jeh in lha ni leh keh suspen anahi in, ningkum a French open achun ana pang tapoi. Gasquet hin Misemni a Nice Muna Final kichepna sunga chun akeng kijen sah ding ana ngaicha kit in, hiche achun kum 2007 apat title amasapen a lahna chu ananei in ahi.Second round ahi MurrayJuan Ignacio Chela, Argentina pa toh kichem ding ahi.

Argentina in World Cup warm up a Canada 5-0 a jou
Buenos Aires, Argentina : Sempatnia Gauchos muna warm up match achun Maxi Rodriguez in goal ni akhumin Argentina in Canada chu 5-0 in ana jou tan ahi. Argentina a dinga farewell match achun FIFA player of the Year, Lionel Messi vang akichem pon, coach Deigo Maradona in Barcelona playmaker pahi kichol ngahsah dinga agel jeh ahi. MidFielder Javier Pastore, Carlos Tavez leh onzalo Higuain cheng hi akichem uvin, Messi vang Argentina W orld cup match apatna pen a apan ding hi ginchat aum in ahi. Rodriguez in 16th leh 32nd a goal akhum in chuleh Angel Di Maria in 37th a goal khat akhum be kit in ahi. Tavez in 63rd a goal khat chuleh Sergio Aguero substitute a ahung lut jou in 71st minute a goal khat akhum in ahi. Argentina hin South Africa muna Group B match a Greece leh South Korea jong akichep pi ding ahi.

Football WC warm up : Australia in New Zealand 2-1 a jou
Melbourne : Sempatni a Melbourne Cricket Ground muna friendly match achun Brett Holman in injury time a goal khat akhum jeh in Australia in New Zealand chu 2-1 a ajou tan ahi. Dario Vidosic in Australia a dinga kibahna dinga goal khat 57 minutes a akhum jou a AZ Alkmaar midfielder pa in goal ana khum in ahi. New Zealand striker Chris Killen in ahung kholjin te kichepna lead bol nading in 16th minutes achun goal khat ana khum in ahi. Ave mipi 55,659 masang achun Australia in New Zealand chu World Cup warm up match a ana joutan ahi.

'Keiho kichepna ahoipen chu ahipoi ahivang in kajo uhi apha e. Hiche hin South Africa muna kitahsan na ipeh dingu ahi', tin half jou a Everton midfielder Tim Cahill khel in Holman in aseiye.Australia coach Pim Verbreek in Vahchanni a South Africa ache masang u Leisemni in squad mi 31 akon in 27 a suhnem ding tin tohgon
aneiyun ahi. Lhadou nisim 1 teng le squad hi player 23 a khehnem sah ding tin agel kit e.