Jail Road Sports Club hi kum 60 masang a Jorhat mun’a ana kiphutdoh’a ahita’n, hilang gamkai ball kichepna neinom jouse ho’n ahajot lutlheh uvin ahi. Hilai club’a hin phung, namle chi khenna umlou’a thanopna nei khangthah kum 8 apat 18 chan themjil 200 valin kithemchuhna, lunglut napumin aneiyuvin ahi. Chule hiche mun ahin namjat chom chomcheh – Naga, Meilhei, Bodo, Mishing ahiloule Bengali ho chanin hou, sakho khat neikhomin aumuvin ahi hichu – football.
“Kichep golseh hin mi ahin puikhom theiye; keima hi Nagaland apat kahi’n Assam’a lekha kasimin ahi. Mi’n kachungthu ipi aseivang kahepo’n, football kichep kalung alut in chule hiche kichepna akonin Assam’a miho toh kakihet pi’n loi tampi jong kaneilo’in ahi” tin hiche’a Nagami player khat Chuba Ajier chun aseiyin ahi. Sah-solam gamkai’a khangthah chapang hohi football a hatah in lunglutna aneiyun football thepna nei Bhaichung Bhutia, Sunil Chetri le Gaurmangi Singh holoi umchan athonom uvin ahi. North-East apan kichem players hohin (India) gamsung sehin club minche tahtah ho’a panna eiyin kichepna ahanei uvin ahi.
Hiche gamkai lang’a football thanopna asandan chu, Indian football Elite ILeague adia lolhinna (qualify) hinnei masapen Shillong akon Lajong Football Club akonin jong akihedoh theiyin ahi. Agamkai sung gavil hinjong amite’n ball lunglutna anei akihedoh theiye. Hiti chun kichep golseh hi natoh, career phapenin ahung umtai.
Manchah infrastructure phate’n umle thepna nei tampi hiche gamkai akonna semdoh ahithei ding tahsan nalentah aumin ahi. “Players hon manchah ding thil ijakai, infrastructure pha aneipouvin, Assam a national games ana umchun themkhat gondoh anahi in, hinla apha in ahoitai tithei ahinapoi” tin Jorhat Sports Club coach Nobin Bora chun ana seiyin ahi. Chuti chun state sorkar hojong kichep golseh lam a khantou machalsah apoimo dan ahinhet doh’u tolhonin thil hungki khelna hiche gamkai’a hin ahung umpanta’n ahi.
Bhaichung Bhutia’n football school hondohna nei
New Delhi, Phallha 1 : India captain Bhaichung Bhutia’nMisemni(Sat) nikho nichun khangthah ho khantou mtheina ding in ‘Bhaichung Bhutia Football Schools’ kiti themjilna mun, Portugal coach lui Carlos Quieroz to kithona’n hondohna ana neiyinahi. Hiche kinkiman na achun Bhutia chun hiche khangthahte khantoule semhoi ahinadiu, youth development hi Delhi khopia kipan’aabanleMumbaitolpi’a kihongdoh kitding ahi, chule hiche kin-gon natoh hi kum 3 sung’a khopi 8 kihoptha sahding’a ahi, tin ana seiyin ahi.
Chule hiche ‘Bhaichung Bhutia Football Schools’ a hi hiche Portugal coach luipa’n aboipi ‘Football by Carlos Quieroz’ foot kichuhna, training school hin panlah huna – technical assistance apehding ahi. “Akipat nading in Ryan International School tokimatna akineiyin ahi. Hiche kin-gon adding in thil ijakai – infrastructure, eikithopi uvin ahi. Chule lungnengtah le pontho tah’a kalson naneiya Mumbai khopi le khopi dang 8 muna jong suhlena hina ding in tohgon akineiyin ahi” tin Bhutia chun aseiye. Hiche themjilna school hi Phallha (Nov) nisim 29 niapat natoh kipanding ahi’n, hiche ahi kichuhna neiding simlai hahsale neijoulou – underprivileged ho ding’aseat 30 percent reserved’a kikoi’a ahi. “’Football by CarlosQuieroz’akonna jilkung coach 2 kineiding ahi. Hiche themjilnaschoolhikhangthah (football) kichepna’a lunglutnaneihoding’akihong jing’a ahi chule school in atupchu ahile chapang khangthahho’ngolsehkichep nomna lungthanop nale lunglut napum’a anei nadiu tilkhouna neiding chu ahi’n hiche ahi kichuna thilkeo ima – training facilities le ahilding coach phatahle tahho amudiu ahi” chule “Hicheva chapang themjil hochu ahil’a pang coach ho’n phatea vettupna aneidiu chule thepna neiho chu kichuhna phatea, special training kipe nalai ding’a ahi. West Bengal le Sikkim mundung ajong themjilna munhoboldi’njongkagongin, hiche ahi hiche chapang ho’n special training aga neidiu ahi” tin Bhutia’n aseibe in ahi.
