Ipiding’a DRDA leh DCs ho thanei na kila doh ham : MTPRM
Imphal, Ellha 29 (NNN) : Manipur government in Ellha nisim 6 nia central government in sponsored abol Multi Sectoral Development Programmes (MSDP) Scheme chunga district DCs holeh DRDA ho thaneina alahdoh nachung'a order aneichu Movement for Tribal People Rights Manipur (MTPRM) in lung nopmo na sangtah pum'in thuphon ahinnei uvin ahi. Thuphon chun aseina ah a-itih apat thinglhang gam khantou machal nadinga MSDP Scheme hohiDRDA leh DCs hon ana lamkai jingíu tua Manipur government in hitobang Scheme ho Manipur Minorities and Other Backward Clasees Economic Development Society (MOBEDS) ho Ukhrul, Chandel, Thoubal apehdoh a chuleh Senapati, Tamenglang, Churachandpur adinga Manipur Development Society (MPS) apehdoh hi thinglhang miho khantou nading chunga lunggel phalou aneina ahi nachunga phaitol mi leh thinglhang mi kah a kibungkhen na asemdoh got ahi ati.
Hiche chungchon'a hitobang thanei na kikhel sah hin ADC ho thanei najong asudaiyin chuleh Scheme jouse jong changval phatchom nading lunggel ahin, hijehchun Manipur government in order asodoh hi velvet kit henlang thinglhang gamía thingnoi ho percent kikah jong ngohda hen lang agang theipen in phai tol mileh thinglhang miho kah a kihet khel naho jong umsah dahen tin MTPRM Gen/Secy Th. Lupheng akon thuphon kimu chun aseiyin ahi.
Ema Keithel sung’a seat 200 nei peuvin : KAMA
Imphal, Ellha 30 : Achesa Ellha nisim 27 nia Kabui Mother Association (KAMA) hon Manipur Chief Minister komía Khawairamband Keithel sungía seat 200 ana thum nau donbut na imacha aumlou jeh in tunin thuso miho masang'a thuphon ahinnei uvin ahi. Amahon aseinau achun Zeliangrong hi Manipur sunga community lenpen anina ahi nachung'a kum 2001 Census dungjuiyin Manipur popula- tion 23 lakhs lah ahi 10 lakh hi tribal ahin hijeh achu nute ngailut najalía gojuh meikai daldingía phatah a kisa EmaKeithel sung ahi chanvou seat 4,000 lah ahi seat 200 nei piuvin tia Ellha nisim 27 nia CM kom'a ngehna ana kinei ahin, tuchan in donbut na aum tapoi. Hitia jat khat leh jat khat achom chomía khen tumna neiya Keithel chom chom akisah got leh hichu hithei louding ahi. Hiche chung chonía nulun Sonia Gandhi hung masangía Manipur government in akingeh ho donbutna ahinnei louleh Sonia Gandhi hung nileh General Strike kikou ding chuleh lekha pehlut najong kinel ding ahi tin KAMA President akon thuphon chun aseiyin ahi.
Thao hah jeh a mobile tower jouse kimoh tun vah dita
Imphal, Ellha 30 (NNN) : Manipur sunga thao hah nahi gari neihon athohlel pen ahi nachunga Mobile tower jousen jong athoh lal lheh tan, mobile network jouse mang theiding chan in aum tan ahi tin thulhut kimu chun aseiyin ahi. All Manipur Telecom Diesel Fillers committee akon thuphon dungjuijin Manipur sungía thao ahah jeh a mobile tower tampi ahiding bangin aum jou kigo tapon hichungchonía thao a kivei ho government in ahin matkit phat in BSNL tilou adang se hin thao hah jeh a natoh hung kimoh ngah dingin aumtan hijehchun government in hitobang hahsat nahi ahin vetsui gang nadin thuphon ahin nei uvin ahi.
IGAR (S) in Moltuk leh Sehlon simlai chapang ho khohsah
Imphal, Ellha 30 : Achesa Ellha nisim 29 nichun 22 GRENADIERS 26 sector hon HQ IGAR (S) noiya Moltuk leh Sehlon khopi kithopina ananei uvin ahi. Chutobang kingon a Maj. Gen CA Krishna in simlai ho uniform, lekha, chuleh kichepna manchah chomchom anapeh nabaníahitobang natohna akon'a chate keu hilou nule pa honjong themjil ahin khohsa diu ahi tin tilkhou na anei naban'in 26 sector commander jaonan housa-upa, simlai ho kihou limpi na ananeiyin hijeh chun AR ho natoh najalíin amitakip in kipa thu ana phong uvin ahi.
Limjih kitetna um
Imphal, Ellha 30: Lions Club of Imphal East (LCIE) chun 'The Vision of Peace' kiti thupi mang cha in limjih kitetna Meitei Shanglen, Checkon, Imphal mun ah tunichun anei uvin ahi.Hiche chamna dia limjih kitetna a chun mi tamtah in athepna jatchom chom in avetsah un, kingon chu alolhing lheh in ahi. Thulhut chun asei na ah Bal Vidya Mandir Hr, Sec. School, Kongpal a kon pol 6 simlai Sanatomba Moirangthem chun khatnaala in, Brighter Academy, Imphal a kon pol 5 simlai Nilima Yumnam le Eden Public School, Wangkhei a kon pol 6 simlai Aribam Tulshicharan chun nina le athumna'n apanglhon in ahi.
Hetding chu hiche kitetna khatna la Moirangthem hi maban a International Grand Prize kitetna pangdia amin pehlut hiding, chuleh kipaman ho December hapta masa sung a District governor in hopdohna anei ding ahi tin Secretary LCIE a kon hetsahna chun asei e.
Photo Electoral Roll tahlang hita
Imphal, Ellha 30 : Ichennau India gamsung'a kum 10 jou seh le mihem kisimna aum jing tolhon'in Manipur Chief Electoral officer milun P.C. Lawmkunga akon thuphon akimun ahi. Thuphon chun aseina ah
1) Photo Electoral Rolls (PER) Manipur sunga Assembly constituencies 60 adin concerned Electoral Registration officer hon asodoh tan ahi ati.
2) Public mileh Political Parties hon ama ama polling station dungjuiya EROs/AEROs Phallha nisim 23 masang chan'a kholchil na aneithei diu ahi chuleh koitobang lung kimlou/lung oilou aum leh amunía kihom form manbeiya akilah a ahin peh lut thei ahi. 3) Election Commissiong of India phalna banía political parties hon akilhenBooth Level Agents (BLAs) hohin adih lou akibolkhel aum leh Booth Level Officer (BLOs) ho phalna noiya abol thei u ahi. Chuleh hiche BLAs hodin special campaign ahung lhung ding Phallha nisim 7, 13, 21 nileh kibol peh ding ahijeh in mipin kithopina/tosot phatah a anei dingin temna aneiye.
4) Assembly constituency cheh a dinga PER thah leh CD-ROM khat EROs holeh CEO ho kipedoh ahitan, khonunga national leh state political party hon vetnom hetnom anei uleh lekha thot a muthei hetthei hiding ahitai. Chuleh koi tobang changval a hetnom deisah aumleh Lamphel mun'a CEO office a dangka 300 a CD-ROM akichoh thei ahi.
5) Form no. 6, 8 chuleh 84 noiya suhdihna neinom, koibena neinom hon PER adin passport 2 (colour) asakhi jaona document khat toh ERO komía form thahlut thei ahi.
6) Mipi deisahna deisah louna anei jouseu Ollha nisim 23 masanga tahdoh hung hiding ahi. Chuleh EROs hon
PER final tichu suhdih ahijou, koibe jou, lahdoh chuleh ijakai akichai teng Tolbol nisim 5 nileh kitahdoh ding
ahi. Chuleh Electoral roll a jaolou laihon DCs/DEOs chuleh SDOs/EROs kom'a phat kipe sung ahi lim kikapna aneidingin jong hetsah ahi. 7) Kum 2011 adia Draft kibol doh Assembly Constituency 60 adia PER hohi CEO website WWW .CEOmanipur-nic.in ahilouleh www.eci.gov.in sunga jong hetchen thei ahi.
