London, Ellha 6 (Bang Showbiz): Hollywood actress Jennifer Aniston chu Most Eligible Single Woman In The World tin akiminvo in a title chu achang tan ahi. Actress Jennifer Aniston, Hollywood heartthrob Brad Pitt toh kum 5 sung ana kichenga chuleh 2005 kum’a ana kikhenpi nuhin Vanity Fair magazine leh TV show 60 Minutes ten poll conduct abol nauva chun 29 per cent vote ana mun kitet na-a chun asangpen’in apang’in ahi.Kum 41-a tah actress Aniston hi tunaicha lha dunga masang’a ana kingaipi adongmapa John Mayer leh Hard Rock hier Harery Morton toh athah in akigom kit tai ahilouleh aki lungset kit tai tin thulhut tamtah ana um jong leh amahi achangin hinkho amangin kingaipi aneipon ahi, chuleh amahin hiche poll kibol na a hin Halle Berry ana jouvin ahi. Halle tunaicha a ajipa model Gabriel Aubray toh kikhen nuhin poll achun 21 percent vote anamu in ahi.
Tiger Wood jilui Elin Nordegren, tunaicha a ajipa akon in divorce settlement $60 million amu-e tia kisei nuhin athumna ah apang in amahin 15 percent vote amu in ahi. Alangkhat a 88 a tah comedienne Betty White, 1981 kum’a ajipa Allen Ludden athi jouva pat achang’a hinkho hin mang nuhi alina ah apang in 11 percent vote amu in ahi. Lady Gaga hin Ollha (Dec) leh adongmapa Luc Carl toh British Castle mun’a kichenna neiding kigong jong leh hiche poll kibolna a hin 5 percent amu in top 5 mun ah apang in ahi.
Associate Justice Supreme Court of United State Elena Kagan anukhahpen ahilou leh anempen in apang in amahin poll achun 4 percent bou anamu in ahi.
