Opposition party Mizo National Front (MNF) lamkai le CM luipa, Pu Zoramthanga chun aseina ah, Pu Lalthanhawla le aloi nuchun USA a akholzin lhonna achun gari (car) nomtah le thupitahkhat sung'ah zu (alcohol) adon lhon'e ati. Amaho chun Pu Lalthanhawl le Pi Lalriliani zu don pet limlah jong anei danuvin Oposition party te chun aseiyun ahi. 'Ipi tia zujoh le zu-don kiphallou na state sung'a alamkai pipen chief minister pu'n state pamlam a zu agadon thei ham?' tin Opposition techun thudohna aneipum un ahilchenna (clarifi cation) jong angeh un ahi.
Alangkhat'ah Mizo Society of America chun America a Pu Lalthanhawl le ailonu ahung kholjin lhon'a agalamto hochu atamjo houbung upaho, houbung le khosung'a (church and society) mopoh na nei ngen ahiuvin, hijeh chun donding lampang thuhim him aumpoi tin thu-hilchenna achun ahin seiyun ahi. Mizo Society techun Mizo ram gam kivaipohna political system lampang'a kisahboi na kaneipouvin, Pu Lalthanhawl le Pi Lalriliani chu Pakai houna (religious) kingon ho'a jin-gun a kinei ahi in Opposition teín hitia zu-don a ahin ngoh uhi lungnop louna asodoh sah e ti'n America'a um Mizo Socie ty techun athu hilchet (clarification) nauva chun asei beuvin ahi.
Chief Minister Pu Lalthanhawla le ajinu Pi Lalriliani amani hi, Lhalam 6 nikho'a Mizo Society of America te Silver Jubilee man na'a jin-gun dia nisim 5 nia chu USA jonna ana lengdoh ahilhon e.
