Thusimlui hi koi namin jong pansatna aneiya anikho thilsoh jouse aheitoh ahi. Achesa kum 1990 lama pat Kukite chunga thilsoh hi 1956 lama pat'a min eigotnau hung kiphongdoh ahi hethem taute. Thi le man, gal le tol thu ahijeh chun kihinso na theiya maiphah phah choiya kihuhhingna ding kibol chu hut khatíin akichaitan, ahivangin Kuki nam suhmang ding go ho akinotauve. Ajeh chu tupet Kuki chate hi ipi ihiu jong kihedoh loulaiya eigel'u ahin, ahinla ithohnau anaval tan, idon cheh a kikhol chilna a hi Pu Anthong J. Thadou sei banga gampu ihinau akikhol tohsoh tai. Hijeh a chu pugam pagam eilahpeh nomteu kino ahiuve.
Nampi thulhun a (1) Nam khat, (2) Gam neite, (30 manchah ding Danthu (law) kiseitoh ahitai. Kuki chaten nampi thulhun banga nam khat ihinau semtoh loiya, pugam pagam ventup ding, akaleh ham jou ham a thusei ho deh lhahna dia Danthu (1) Kukite Dan, (2) India Dan, (3) United Nations Dan - dungjuiya pan ding gelkhoh cheh taute. Pu A.J. Thadou seidoh Kuki Danpi tamtah aumin, kihinsona khopset akineiye. Kuki Chaten mite Dan sanga amasa Kuki Danpi, Pule pate vaipohna het masah pen din ngaitouvin sopite.
Namsunga boina ho hi atamjo mitilton a boina sohdoh ahibouvin, kitomona thei kikhen helna ima aumpoi. Vannoiya kikhen thei loute ihiuvin, lung len tah putía, Haosa lung nei ding chu Pu le pate dalhah gou lenpen ahi. Igam a cheng, gampu ihiuvin, koima koma gam thum ding ihipouve. Kivaipohna neisa ihiuvin, mi kivaipohna deichat ding ahipoi. Aphajo kivaipohna inei nauve.
(T. Lunkim) Chairman
Kuki Movement for Human Rights
