Tu hin army hon huhdoh natoh ache lhah pi laitah u ahin athi-amang hi hiche sanga tamjo maithei ahi tin senior government official khat in aseiye. Ladakh gam hi Buddhist ho tamna mun ahin China to jong kigamgi ahi. Achesa ni phabep sunga go ajuh jeh a twi len ahi. Hiche jeh chun tourist mi tamtah aum den un chuleh thil dang dang ngaito hon jong hahsatna anei un ahi. Hetman louva go hat tah ajuh
jeh in song jong alhoh in amasanga thil um jouse asuse in ahi tin police in aseiye.
US leh Vietnam in nuclear kinoptona aneilhon hi gamkaiya kito louna hiding ahi
New Delhi, Lhajing 6 : US leh Vietnam masanga cold war laiya ana kidou teni in nuclear fuel lah technology lamía kinoptona nei ding agot lhon hi China dinga tijat umtah ahi. Chinese analysts hon aseina a Washington leh Hanoi in nuclear lam'a kitho khom ding agot lhon hi vannoiya chamna atoh khah tei ding ahi atiuve. Kinoptona hi aum teng leh Hanoi in acham'a uranium asem doh thei ding ahin
hichun nuclear non-proliferation treaty atoh khat ding ahi.
George W Bush vaihom laiya pat Washington in koigam hileh US toh kitho khom'a mipi phatchom na dinga nuclear thaneina manchah dingin mi ana tem in ahi. Nuclear thanneina hi kolphe meivah apoh doh thei vangin tijat um tah khat chu nuclear atomic bomb jong semdoh thei ahi.
Achesa 2001 apat Hanoi toh nuclear thua kinoptona nei dinga ana kisei pan ahitan hijeh chen Obama in agam natehi pen'a aumdoh ding anom in ahi. Middle East gam a banga galguh bol hoi thanei tah aum lou jeh in gam dangin jong demna nei beh ponte tin Teng in aseiye.
Kasab in songkul a pat lekha jih
Mumbai, Lhajing 6 : Bombay High Court a ngaidam thumna phat akichi ding toh lhon in Pakistan galguh bol Ajmal Kasab 26/11 na pan alah jeh-a thi dinga gotna kipe pa chun Arthur Road central jail apat in lekha ajih in ama lawyer ho kithopina ding agelkhoh jeh ahi akiti-e. Kasab lawyer Amin Solkar leh Farhana Shah chun amapa chu ana kimupi lhon in thudoh jong ananei lhon'e.
Lawyers teni aseina a Kasab in pen leh lekha athum in athu akitan laiya thil um phabep asun in ahi. Kasab taona chu songkul thunei ho komía kasei peh in hichun Kasab chu angaichat ho apeuvin ahi tin Shah in aseiye. Kasab in ama lawyers teni chunga atahsan dan avel in aphongdoh in chuleh ipi hijong leh lawyers teni sei sei angai din aseiyin ahi. Tupet hin Kasab chunga ngohna hi 1,500 page um ahi tin Shah in aseiye.
Delhi Metro sanga Jaipur Metro thupi jo ding ahi
Jaipur, Lhajing 6 : Vannoi leiset a kimancha pen standard gauge chu Jaipur Metro a umding ahi. Janhi chun Mansarovar apat chandpole chan (9.2km) lhaina ding semdoh nadin Delhi Metro Rail Corporation (DMRC) leh Jaipur Metro Rail corporation (JMRCL) in kinoptona ananei lhon in ahi.
Hiche kinopto na chu JMRCL chairman GS Sandhu lehDMRC director Mangu Singh in Chief Minister Ashok Gehlot leh DMRC Chairman E Sreedharan umna a soi anabol lhon ahi. Chief Minister Ashok Gehlot in Delhi Metro aumdoh jeh in Sreedharan Pachatna aneiyin chuleh Jaipur Metro jong phatah a ahung umdoh na din akinepna aphongin ahi.
Sreedharan in aseina a natoh phatah a chelha ding ahin hijeh a chu Delhi Metro sanga Jaipur Metro athupi joh ding ahi tin aseiye. Adih mongin Delhi in broad gauge corridor 4 anei in chuleh standard gauge khat aum in ahi.
Standard gauge chu broad gauge coaches sangin themkhat aneo jep in ahi hinla speed hat jo a lhai thei ahi ati. Standard gauge ahi ding jeh in thil ima supply bol ding jong mi thanom thei ding ahi tin Sreedharan in aseiye.
Indiagam’ajilkung1.2million alhasam-e: Kapil Sibal
New Delhi, Lhajing 6 : Human resource development minister Kapil Sibal in aseina a India gam'a tupet hin jilkung 1.2 million vel alhasamíe, hijeh a chu States hon jilkung atam lah angaiye ati. State phabep a backlog tampi aum in hichu kum tampi lah aum in hichu kum tampi lah louva aum jeh ahi. Adeh a Bihar state a jilkun 100, 696 post a ong in ahi tin Sibal in Rajya Sabha ahetsah in ahi. Sibal in aseina a state hon hiche lhahsam nahi asuh bulhit loi nadin ngehna jong aneiyin ahi.
State kon khat a school mun khat a jilkung tampi aumin hinla school danga jilkung aumkt poi ati.
Hiche jeh a chu jilkung ho hi phatah-a kitoh del a umsah angaiye tin Sibal in aseiye. Chuban leh gamsunga jilkung ho kichuhna mun alhom in hijeh a chu hiche lam jong khahsah angaiye ati. Simlai atamjo in jong Bachelor of Education (B.Ed) bol ding anom pouve. Sibal in aseina a jilkung natoh hi lekha them ho alunglut theina ding leh atohnom na diuva insurance, housing leh healthcare facilities ho peh ding angaiye ati.
Leiset mun danga lekha them pen ho chu jilkung in apangun hila India gam'a vang hiche chu ahipoi. Hijeh a chu thepna sang neiho jilkunga apen thei nadia incentives peh angaiye ati.
