CDSU henga TRBOA hon ngaidam thum; Bus lhaipan tading

Posted by Bombiel Media on 7:45 PM in , |
Lamka, Lhajing. 8: Achesa phatsunga District boundary le census 2011 boina toh kisai’a Lamka leh Imphal kikah a bandh kibol khumto jeh a Bus ana lhai lou chu Lhajing nisim 9 nikho a patsa angaina banga lhai din kinop tona anei tauvin ahi. Hiche kinopto sahna thei dinga pan nasatah a hinla chu CCPur district sunga MDC ho ahiuvin ahi. Thulhut kimu dungjui chunhiche khopi teni kikah a cheng mipiho che le va le hahsatna alhut tah jeh chun MDC hon gelkhohna anei utoh lhonin Teddim Road Bus Owner Association honjong adeisah nau thuchu ana phongdoh uvin ahi.

Hichetoh kilhon chun Bus Owner association hon CDSU lamkaite heng ah ngaidam thumna keu hilouvin
thilpha umna teiding tin dangka tamthim tah jong choiyin ahung kalsong uvin ahi. Hitobang thilpha bol’a ahung uchu CDSU President Pu Lalkhohao Chongloi in association ho chung ah kipathu aphong in ahi.

Ahung kalsong ho chungah CDSU lamkaihon kiphinna kibol chu koima jat le nam demna jal a kibol ahipoi, Manipur sorkar thilbol adeh a PWD ho umchan demna jal a achung uva kiphinna kibol ahi bouve tin aphongkit uvin ahi. Chukitleh association hon ahinchoi u paisa phabep chu akisukha ho kijen nadinga CDSU hon ana suhlut jatbou asan peh un adang aval chengse chu alepeh kit uvin ahi.

Hitobang ngailutna neitah a thilpha kibol hi khonung teng jongle kihetthem tona akomu ahi tin MDC Chairman, Vice Chairman le ahung kikhom adang honjong akipanau thupha aphong uvin ahi.
Tags: ,

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home