Assange in aseina a mihem hinkho hi thudih, thilbol theina chuleh ngailutna in akan khom ahi hinla hiche ho chu kivai hom dan jatchom chom jeh in amang thah jji tai ati. Khantouna jeh in Assange hin alungtup amolso theiyin ahi. Amah in tuni chan geiyin crime case 31 aneiyin ahi. Clourt a case hijat anei vangin ama alungkham chom deh poi. Leaks kiti hi tulai phat a information gal khat ahi. Hiche jeh a chu aman keima hi media galguh bol kahi tia aseidoh ahi.
Lam pam’a bomb pokeh jeh a Afghan milham 25 thi
Kabul, Lhamul 28 : Tuni chun Afghanistan lhumlam sanga lam pam'a bomb apokeh jeh in passenger bus khat ase soh hel in chuleh asunga tou milham mi 25 athi-e tin provincial governor chun aseiye.
Alhom pen in mi 20 jong akitongkha un ahi. Hiche tosetna mun hi Nimroz province a Bakwa district ahi tin Governor Gholam Dastagir Azaad in aseiye.
Azaad in aseibe na a numei leh chapang athi lah-a apnge, hinla amun hi agam lat jeh in thuchen akihe hih laiye ati.
Hitobang khan gitlouna nei koima akiphong aum hih laiye. Hinla Taliban ho hanta mun ahijeh in amaho hitei din ginchat aum'e. Hiche kibuluna hi NATO rocket in Helmand province a mi 52 athat e tia Afghan sorkar in aphondoh ni khat jouva um ahi. Tupet a Afghanistan gam'a US leh NATO sepai 140, 000 umho douna ahi Taliban hon bomb hi amanchah jingo ahi. Tukum sunga din milham 1, 074 athi in chuleh mi 1, 500 akitongkha tai tin Afghanistan Rights Monitor in aseiye.
Cameron India ahung kholjin teng Kashmir leh vaichat thu aseilou dia thumop
London, Lhamul 28 : British Prime Minister David Cameron chu India akholjin sunga Kashmir leh vaichatna thu aseilou dingin thumop anei un ahi. Hinla aman New India thua houlimna anei joh din aseipeh un ahi. Achesa ni 2 tobang chu British thuso hon Prime Minister David Cameron chu thumop anei jingun ahi. Cameron chu janhi jan chun India ahung lhung tai. British media hon asei lou dinga thumop anei masat pen u chu "Kashmir" thu ahi.
Masang in British foreign secretaries ho vetsahnan Robin Cook leh David Miliband in Kashmir thu ana sei lhon jeh in boina ana um in ahi. Hijeh a chu imacha seilou chu aphapen ahi tin Balker in aseiye. Ani na a India gam'a vaichat thu seilou ding ahi. Leiset mun dang sanga avaicha tam napen hijong leh vaichat thu asei lou dingin jong thumop anei un ahi. Vaichat thu sanga India khantou na ho joh sei dingin ahil un ahi. Indian politician ho hi ama sanga ale ni a akum tam ngen ahin hijeh a chu umchan phabep ajuiu angaiye khangthah ahina apohdoh lou dingin asei uve.
Ali channa chu ahileh Britain gam'a India miho kholjin hihen simlai chuleh natong ding hijong leh visa umdan aseilou ding ahi. Hiche immigration thu hi masangin jong commerce minister Anand Sharma in Cameron kom'a anasei sa ahitai. Visa mu ahahsat leh India simlai ho Britain a che lou ding ahi ti het
angaiye tin ahil un ahi.
New Zealand in India a high commissioner athah phongdoh ta
Auckland, Lhamul : New Zealand in India gam'a high commissioner athah dingin Jan Henderson chu alhendoh tai. Henderson hin masanga chu Turkey, Israel leh Jordan gam'a ana um ahin tupet ahi Foreign Affairs and Trade ministry noiya environment division a director tohmun anei ahi.
Amanu hin Ollha teng leh Rupert Holborrow akhel ding ahitai tin New Zealand Herald chun aseiyin ahi. Foreign minister Murray McCully in aseina a tua India toh New Zealand kigol chatna hi akhangtou jingin trade agreement thua jong kihou lhahna aum loi ding adeisah in ahi. Achesa 2009 kum chun India leh New Zealand sumkolveina hi dangka $ 1 billion alhing tan ahi. Export tichu gam'a kon'a kithot doh jong $ 709 million apha tan chuleh New Zealand gamía Indian tourist leh simlai ahung lut jinge ati.
