LONDON, Lhamul 24: England striker pahin tuchan in kumni kichepna ding phat nei nalai jongle, Manchester United in atahbeh a Wayne Rooney hi contract thah adinga kihoupina anei ding ahitai.

United chief executive David Gill in hiche tohgon anei u hi, Serbian defender Nemanja Vidic in ama adinga contract chu phatsotpi adinga anop joua phondohna anei ahi.

" Tulai tah a kigel khoh pen chu Wayne leh a advisor pa USA tour akon ahung kile lhontengle kimupi ding chu ahin, chuleh athahbeh a kihoupina aum ding jeh in ama holiday akon ahung kile tai," tin Gill in aseiye.

" Amain aseina akon in akichen tan chuleh club hon aseina achun, United a amain khunung gei a kichepna anei ding thu hi kihou lhahna anei tauvin ahi," tin aseibe kit e. Amain adeina asei bang in club a apoimodan chun
lolhinna apeh ding tihi tahsan aum in ahi.

Rooney in United ading in goal 34 achesa season achun akhum in chuleh season thah lhajing nisim 14 a kipan dinga hi Sir Alex Ferguson in Chelsea akon title nunglah pih nadinga campaign abolna ahi apoimopen chu hiding ahitai.

Duchaussoy French football chief thah hita
PARIS (AFP): Jean-Pierre Escallettes in haina anei jou in, French football in gansem ni in Fernand Duchaussoy chief thahpa lemna anei in ahi.

Gamsung football lam a kum ejat hamkhat cheating, scandal, player revolt chuleh mediocrity ho ahung um hisuthip dinga Duchaussoy hi French Football Federation president dinga kilhendoh chu ahitai.

Kum 67 a upa pahi amateur football league lamkai akon adinmun kaisangna anei chu ahi.

Amain aseina achun, kachunga tahsanna anei jeh uva hiche jana hi eipeh u ahi. " French football thusim a ana umkhalou sporting leh moral crisis sunga kaloipa Jean-Pierre Escalettes hiche tohmun akon khelna kanei ding hi kagel le hahsa kasa lheh in ahi," tin aseibe kit e. Frederic Thiriez, Duchaussoy FFf number two pain aseina achun, FFF in World Cup a lelna aneijou a bolmong dinga agel khat chu ahi ati.

" Khantou dungjui a kithah semphatna neiding tihi kinop tona kanei uvin, hichu ahileh adihtah leh mipi kivaipohna Federation ahithei nading chu ahi," tin Duchaussoy in aseiye.

Escalettes hi South Africa muna kon ahung kile uva kon in alhahsam na chu ahung kimudoh in ahi. Nicolas Anelka in coach pa adem jeh a ahindal doh, chuleh coach Raymond Domenech in players ho kiphinna chu
adoltah a gellhahna aneithei loujeh chukitle kum 1998 world champions te khatvei cha jona neilouva World Cup first round a knockout ahung heu chu alhasamna lentah kimuna chu ahikit e.

Coach thahpa Laurent Blanc in Frances 23 players World Cup squad hocheng gotna apeh dungjui a ahung
lhung ding lha a Norway tetoh friendly match akichepna dingu va hiche players hocheng suspend abol na aphondoh jou a Duchaussoy appoint-ment hi um ahi.

Hodgson in a medical team hotoh kinahna nei
LIVERPOOL, Lhamul 24: Liverpool boss Roy Hodgson in gansem nia aseina achun, club Europa League ahung lhun ding toh kitoh in ka medical staff hotoh lunggel kibah louna jeh in kinahna kanei uve ati. Liverpool in vanghom ni in Macedonia khopi kholjinna anei in, Rabotnicki chu third qualifying round of Europe's second-tier competition a akichep pi uvin ahi.

Hodgson hin tuchan in a players hotoh phatah in na tohkhomna anei thei naipoi ajeh chu world Cup a kichol
ngahna anei jou uvin Steven Gerrard, Jamie Carragher chuleh Glen Johnson hohi tu hapta in chun ahung kile
bep uvin ahi.

Hodgson koma advised kibol khat chu hiche players ho cheng hi Skopje muna kholjinna adinga chu pansah lou ding tihi ahi. " Ka medical team hotoh neokhat kinahna kanei in, hiche chu ahile, senior players ho chu a free jep theina ding uvin phat ong leh phat kilem ape uvin ahi," tin Hodgson in aseiye. " World cup jou a hung kile hohin hiche games nia kichepna anei lou dingu chu hiche hin kichentah in amusah in ahi.

" Kagel pipen chu ahile, hiche kitetna ahi machalna neiding chuleh hiche dinga hi players amaho lah a themkhat chu kngai chat Meithei ahi, hijeh chun kihet themna neiding chu angaitan ahi. Alunggel u chu kaja in chuleh hitobanga khantou leiset chunga hin amahotoh toh minutes khat jingcha hijongle gelkhomna hi kanei louding ahitan, chukitle hiche chu face value a kalah ding ahitai," tin aseibe kit e. Rabotnicki tetoh hin avella Anfield muna lhajing nisim 5 tengle kichem kit dingu ahi.

Sporting Lisbon in Manchester City 2-0 a jou
NEW YORK, Lhamul 24: Yannick Djalo in first-half a goals ni akhum in, Sporting Lisbon in Red Bulls Arena a exibition Frienly match achun Manchester City 2-0 in ajou tai.

Goal keeper pa jetlam akon Simon Vukcevic in cross ahin bol chu minutes 23rd a Djalo in alu in ana sutlut in
ahi.

Djalo in goal anina chu minutes 40th in akhum kit in ahi. Daniel Carrico pass hinbol goal keeper Hart in
alhaso chu langkhat akon in beilam tah in ana peh lut in ahi.

" Hitobang kichepna hahtah a hoitah a kichepna kanei kamudoh sah hi thil pha chu ahi," tin Djalo in aseiye.
Craig Bellamy hin kichepna sung minutes li achun Manchester City adinga goal khumna thei tah chance khat
ana mu in ahi.

Bellamy in Sporting defence hon ahin lhaso ball chu adal pha in ahivang in amain box toh kinaicha akon apeh chu goal keeper pain amandoh in ahi. Minutes ko jou in Bellamy in goal toh kinaicha in chance khat ana
mukit in, ahinla goal pamlanga ana pehdoh kit in ahi.

Gansem nia friendly match chu exhibition tournament sunga pang khat chu ahin, hiche chun New York
Challenge chu jana pih theitah khat ahi sahtai.

Menezes hi Brazil coach thah hiding dinmun a umta
RIO DE JANEIRO,  Lhamul 24: Five-time world champions Brazil in coach thah adinga adeilhen Muricy Ramalho chu club Fluminense in aphalpih loujeh in, gansemni in Mano Menezes chu hiche tohmun ape tauvin ahi.

Menezes, gamsung club minchetah ni lhahsamna akon hin galkai pa hin hiche tohmun hi asan a ahileh, Brazil national team hi thah semphatna ahin nei ding chuleh amahon 2014 World Cup host abol tengule title agup channa chu alahsah sah thei ding ahi.

Brazil's mipi 190 million hohin World Cup agamsung uva lahna neiding chu adei uvin ahi.

Hiche tohmun, international soccer adinga ahahpen hi, achesa kal thum langa World Cup quarter-final a Netherlands te khut a alel jou uva Dunga in haina anei jou akon tohmun ong um chu ahi. " Mano Menezes hin
akigel lhahna chu a club Corinthians hon misem nia Sao Paulo muna news conference agonnaova phondohna anei ding ahi," tin CBF website akon thulhut chun aseiye. "Mano Menezes hi coaches thum kilhenna a pang khat chu ahin chuleh Ricardo Teixeira toh kihouna akinei jou akon ngamdet a kikoi chu ahitai.