neihon atohdinbg dol ahin toh louva ahile boijeng ahi. Chutobaug machu Society sung hihen, organization sung hihen Houin sung hihen jnsung hihen institutuion sung hihen adang dang hijong leh mopohna neihon atohding dol helouva hinkho ahinman leh boijeng ahi. Chukitle mihem kiti hi Pathen thilsem ho lah a athupipen ahin, ase-apha jouse geltheina Pathen in apeh ahin, ase gelten thilpha amupon, apha gelte bouvin thilpha akimun ahi.
Country khatna gamvaipo khat in Country chomkhat na ngansena umlouva kikum leh gamte ni kikah a boina
sohtei jeng ahi. State khatna gamvaipo in state dang'a amopoh theijeng le gamteni kikah a boina um theijeng
ahi. Chutima banga chu District khatna vaipo chun District dang'a thunei ding agot teng leh District teni
chu boithei kit ahi.
Inchen-khosah semna-ajong mi insung'a thunei ding go hon mi insunga boina asemdoh ahi. Institution khat-
na ahilouleh society/organization khatna natong hon aneipa ahilouleh avaipopa thu angailoule boijeng ahi.
Lung han pettah a thu mohsei louding chule kamtam jong bollou ding ahi. Mikamtam hon seikhel,seival aneiteije. Muntin, muntangía thusei, mijoh hon vangphatna akimu ngaipon ahi. Mutahsang'in jumna le lhohsatna joh akimun ahi. Pasal muhchuh le numei muhchuh hon mihem akinah sah/akitomo sah in ahi. Lei(tongue) kitihi 'very very dangerî ahin, alen, aneovin hetjing'a kituh tang(control) ding ahi. Imanthem lou leh thina ahijeng'e. Tulaijin Kukite lah a hin mi muhchuh, alei(tongue) control kibol theilou, thusei chuleh mi natoh nah'a dohlouva kikum, mi-insunga asin/akin umlouva kikum, mihehse-a, mi kingailutah ho suto-a kinah sah, boina sem a-um jingíin ahi. Hitobang mihem hohi phatecha ivetle avang pha pouvin ahi. Pathen sapsetna achang tei uvin ahi. Theng selía sei ding in, mihem'a ihung pentah ngalla ahileh kamopoh na ipiham ti hetdoh ngai ahi. Mihem hi ngalla amopohna atohding, aseiding kihet lou ho hin namsung, phungsung chule insung asuh keh ahi. Amaho tobang hi apeníin pendao leh amaho dingle nampia ding'a damna hiding ahi. Mihem koi hileh a Pakai (Lord/master/head) ja-lou ho koima alolhing kamupon ahi. Ajehchu mihem in Bible a kisei bangía
atutu a-at(reap) ahibouvin ahi.
Pathen dei/lung lhaina le mihem lung lhaina pen chu mihem in Bible a thuhilpan 'the whole duty of man' asei hi juiding ahi. Chutihenlang hileh namsung damding, society/organization chule family/insung jong boitalou ding ahi. Alen in aneo khoto/lungset ding, aneovin alen ja-ding/ginding ahi. Hiti ho hung kondoh theina dingía mihem in asempa Pathen agin masat pen ding ahi. Pathen ginglou ten Pathen ajalouvu ahin hijeh a chu anu-apa chule achung'a hojong agintheilou,ajatheilou ahi. Pathen ging loute chu Pathen in phante ati nileh asemsa acha ahijeh a akhohsah jalla jepna/asalai apeh ahi. Pathen kouna ogin jalou/ngailou te hi leisetna mangthah teitei ahi. Christian kahitin sohcha ding'in mihem jouse kinepda hen, Pathen lungtoh loute vangam kaiponte. Pakai.Pakai tivang'a vangam kaina ding lampi a-umpoi tin Jesu'n anaseitan ahi.
Guest editorial : Dr. H.H. Mate
