aneijun ahi. Hiche ahin Singngat Block sung'a KSO hon atoupha naho kho 23 akon in Youth Club Lamkai mi 2 cheh in Vote kheh na anei untoh lhonin kum 2012 chen Vaipo dingin Pu. Lunkhothang chu President din alhengdoh tauvin ahi.
Chuma bangchun V/President din Pu. Jangkholet Haokip, General Secy. Din Pu. Seikhokai Lupheng,
Education Secy. Din Pu. Thangkholal, Finance Sec.Din Nl. Lamkholhing, Information & Publicity din Pu. Sonjang Haokip hocheng ahiuvin ahi. Amaho hi Pu. Paokai Haokip KSO President Churachandpur in KSO
Certificate peh doh na aneiyin chule aman kitep naleh KSO Lamkai hina namdet nakin jong anei paiyin ahi.
Lamkai kilheng doh ho chengse din Upa. Seilet in Pathen kom a Vangthum pehna anei in ahi.
District Malaria Officer, Churachandpur
Dr. F. Thenkhogin chun tujingkal nidan 11:30 velchun Saikot Primary Health Centre munho a natoh aneidan ho vetlhahna aganeiyin ahi. Bulpi sorkar ho villhah ding tohgon aumjeh a kitup sah ding deina jal'a abol hidingin
ginchat thulhut akimun ahi. Lhamul nisim 7 nikho tengle Saikot PHC noiya ASHA member tehon kithepchuh na anei ding ahin hiche muna chu District Malaria Officer chu observer a pang'a hetchenna neinomho ahil dinga um ahi.
MR/IRB dia lolhingho report dinga kikou
Lamka, Lhamul 3: MR/IRB Direct Havilder a lolhin na neithah hon ahunglhung ding nisim 8 chan geiya 2nd
MR mun a ki Report ding in CO 2nd MR in hetsah na aneiyin ahi. Churachandpur District a konna lolhing
hochu ahile P.Thangbieklien Gangte S/o P. Mangboi Gangte of Gangte Veng, Letkhotinthang Haokip S/o
Thangjang of Ningthiching, Joseph Buanshing S/o (L) B. Khualngamung of Cental Lamka, Khupmang Haokip
S/o Tonglal Haokip of B.Vengnom ho ahiuve.
Catchment area a thingkeh phuna kihongdoh di
Lamka, Lhamul 3: Lanva vadung leh Koite vadung hoa catchment area muna thingkeh nou phuna Lhamul
nisim 5, 2010 jingkah nidan 7:00 leh YPA Hall, Hiangtam Lamka a flag-off program um ding kiti chu aphat suhchon ahi dungjuiya nidan 9:00 tengle umding in akiseiyin ahi.
Hiche kingon a hi Minister T. Phungzathang, Minister TN Haokip leh T. Manga Vaiphei, Chairman MTDC
hon aop dingu ahi. Chukitleh hiche kin gon sunga vadung mun 2 hoa chu meter 100-150 hopsunga thingkeh phuhlou le vatlhah louding tia haosa tehotoh kinoptona soi akai naujong pehdoh nakin umngal ding ahi.
Houlimna le tilkhouna thua thusei dinga District Forest officer, Churachandpur in anei ding ahin DC Churachandpur injong key note address thuseina anei ding ahi naban a EE, PHED, Churachandpur in
vote of thank seinajong anei ding ahi.
Compartmental Exam neiho adia hetsah
Lamka, Lhamul 3: Ahung lhungding nisim 5 nikhole Churachandpur District Examination centre HSLC 2010
Compartmental Examination chu Churachandpur Govt High school a umding ahi toh lhonna Simlai themvet
nah a pang ding jousen Exam Centre munchu jinglam nidan 8:30 a lhungkim cheh ahi diuvn Lalbiakthuami OC, HSLC Examination in hetsah na aneiyin ahi.
State
LATCO hon ngehlhutna pe’u
Imphal, Lhamul 3: Leimakhong hopsunga cheng haosahon kiloikhomna Leimakhong Area Tribal Chief
Organisation (LATCO) kiti minpun ngehlhutna (Memorandum) khat Manipur Chief Minister Ibobi Singh koma apelut uvin ahi. Amahon aseinauva, Leimakhong veldunga cheng kho holeh Khurkhul kho No. 38 noiya khendoh ahia village No. thah akipeh louva ahileh SDC Sekmai Imphal West muna Land Revenue Tax kapeh tahlou diu ahi atiuvin ahi. Leimakhong land records leh aveldunga kho 22 hokhu SDC akonna Addl. Deputy Commissioner Kangpokpi koma chondoh ding. Tua Police outpost hi lhingset a police post khatna tundoh ding ahi.
Hiche kiseidoh lo napen chu ahile achesa Ellha (October) 2009 Pathenni nikhoa Khurkhul a konna
mi 700 val jenin Leimakhong Bazar hunglut uva Sadar Hills, Senapati District tia melchihna kitah jouse
asuhset uva hunam a Leimakhong Bazar chu Imphal West District sunga asosah got'u va konna mipi venbit
nadinga kisei ahi atiuvin ahi.
Chukitleh local thuso hoa District Council Election 2010 suhboiding agotjing ujonghi khonungle nam le nam
kikah a boina lhutlou nadinga kiseidoh ahi tinjong asei uvin ahi.
Primary leh Hindi jilkung DPC result kiphonding angeh u
Imphal, Lhamul 3: Misemni chun Primary Teacher DPC lolhingho kiloikhoma chun state sorkar hin angeh houchu Lhamul nisim 7 geija abolpehlou uleh Lhamul nisim 8 niapat kiphinna kaneidiu ahi tin gihna aneijun ahi.
Kiloikhomna hin DPC Primary Teachers, 2006 result kiphonna a thunoh umna chung changa lunglhai
louna lekha Manipur chief minister apeuve. Lunglhailouna lekha asutnaova hin kiloikhomna hin Manipur education minister pahin Primary leh Hindi jilkung result chu aphonsahlou ahi atiuvin ahi. Education minister pa
jonghin akinaipiho minchu result a ajaoloujeh a thuneiho komma result hi notice board na atahdoh sahlou ahi. Hichi result hi Imphal a newspaper khatnin ahinsouvin ahi, atiuve.
Newspaper a result hung kisohi DPC member hon aphatsah jousao ahin, education minister pan ajeh jong seilouva hitobang order hi akiso khapon kimang thei ponte atihi kiloikhomna hin ademme. Education minister pan result kiphonghi kimangthei ponte atihi natoh neilou lekhathem sang ijat hamkhat rights atongkhan chuleh Manipur a primary education hoitah a aumdohna ding lampi akha ahi atiuve. Kiloikhomna hin Manipur chief minister hi ahung kikumma Primary leh Hindi jilkung DPC result aganna thei channa aphondohna dingin atemmun ahi.
Primary jilkung result thua ATSUM lung lhailou
Imphal, Lhamul 3: Manipur education department noija primary jilkung kilahna a thunoh umjeh a alung kimlounao All Tribal Students' Union, Manipur (ATSUM) in aphonge. ATSUM hin education minister pa kadou pouve, amavang primary jilkung kilhenna a thahat kivetna leh sumnei kivetna aumjeh a system apumpia hi kadouvu ahi, DPC in primary jilkung result aphatsah sao chu education minister pan apomloujeh a boinahi umma ahijeh in amahi thil akichehkah a dia ahaiphot angaije, atiuve.
ATSUM jonghin state pumpin result kiphonlou jeh a kiboinahi demta a NSUI hon ATSUM thusei ajahda
najeh uhi kahethem thei pouve. NSUI hi Congress toh akijopjeh uva Congress lamkai khatchu ahuh u
hinante, hijongleh ATSUM hi simlaiho kiloi khomna ahipoi tia aseinao jehchu kahepouve. ATSUM
jonghin NSUI in state education system achatvaina chung changa anatoh u challenge kabolngap chaove tin aseijun ahi.
Thilman kaltoh kisaija AMSU mili kiman
Imphal, Lhamul 3: Misemni chun Manipur police hon thilman hahjeh a kiphinna bolho All Manipur Studentsí
Union (AMSU) natong'a pang mi 4 Dharamsala, Thangal bazaar munnah amannun ahi. Mi 4 akimatjou
hin AMSU in akiphin lonao jehchu thusoh lakhomho kommah aseijun ahi. AMSU general secretary, Aalamjit
chun mipilah a konna thilman kaljeh a lunglhai louna ogin tampi akijah phatna thilhohi aman ahungnemna dinga
kiphinnahi kibol ahi tin aseije. AMSU natonga pang mi 4 police hon amat hochu N. Depanjit (HRD secretary), David Sharma (Volunteer committee member), Th. Bhagat Singh (auditor-Imphal East committee)
chuleh Md. Ajmal (finance secretary-Toubal district) ahiuve. Misemni jingkahlang 11.30 a.m. donna video camera toh kimattha ahi. AMSU general secretary jonghin Imphal sunga kivei bolmi hotoh nitin ngaichat ajohnadiu manjathi kasemtoh un, kinoptona soi kakai uve tin aseije.
Kinoptona kaneijou ujonghin dukan phabep chun thilman sangtah a ajohjeh uva AMSU hin kiphinna kinei ahin, ngalouva kinei jompeh ding ahi tin AMSU general secretary chun aseije. Thilman akinopto dungjui
uvachu ñ super fine anchang bag khatna dangka 850, atta bag khatna dangka 830, louthul kang kg. khatna
dangka 50-55, louthul kg. khatna dangka 13-15, allu kg. khatna dangka 10-11, nehding thao tin khatna
dangka 970, bemu kg. khatna dangka 25 chuleh malcha kg. khatna dangka 70 hiding a kinopto ahi ati.
