Lamlen semding khohsah loujeh, dan ahi nabang tah a kijui lou, trucks leh cars tamjeh chuleh gari tol theplou jeh hoa India gama hi athi tam ahi. Khangthah tamtah in jong engtel natah a gari atol jeh a jong athiamang tamdeh set ahi.
Alangkhatna 2008 kum in China gama lamlen a toset jeh a thi mihem 73,500 bou ahi. Chuleh amaho sorkar in
dantoh kitoh louva gari tol ahilouleh jukham puma gari tol hohi hatah in akhamgah uvin ahi. Hijeh achu computer toh kitho uva hitobangía chatloh hohi amat uva dan toh kitoh a achung uva gotna apeh teng uleh
kihilna a anei jiu ahi.
India gam'a vang ahileh achuti pon ahi, ahung khangtou bep ihi jeh un igam uva ahideh a phaicham ho ahin lamlen toset toh hi atamlheh in ahi. Hiche hi agam agam (state) a minister hoin gari lam (road) agelkhoh lou jeh ahi.
Highways leh khopi kisuhtona lamlen dunga windshield kisukeh, kengkoh alang kitoh lou, helmet kiti hohi akiha mu lheh in ahi. Hiche hi atamjo miphalou ho ahin munthip lah ahilou leh gammang lah a aum un mitha, michom kiti hohi abol jing uvin ahi. Gari tol dudahlou, keng lampi (pedestrians) a gari tol ahilou leh Gari len (heavy trucks) speed tah a lhai kiti ho jong akiha sei in ahi.
Delhi leh Greater Noida kikah expressway kiti khopi khangtou industrial parks leh shopping malls tam nalah a jong lalem dunga bong-eh leh nen kipai jong um mo ahipoi. Hitobang expressway dunga gari tol puma mobile a mitoh kihou ahilou leh gari kham a lampang'a jun-thah kiti ho jong aum da dehpoi. Hiche hi ikhantou lou jeh u ahi. Ajeh chu Highway dunga traffic police aphat seh a umlou chuleh CCTV camera jong aumlou jeh a driver hon anopnop u abol thei ahi. Chukit jong leh police hon nehguh-chahguh abol jeh a jong dan palkeh ho hin abol ngai nagi abol kit jiu hi. Hiche hin ichan ham khat'a igam sung'u lamlen toset nahi abelap in ahi.
Alangkhatna bong-gari, gari len, bicycles leh keng-lam (pedestrians) hoin lampi akikop jeh a jong toset toh hi
tam'a ahi. Gam khangtou ho bangin gari len lhaina, kenglam, bus hiti hin achom chom in lampi umleh toset jong lhom ding ahi.
India's minister of road transport and highways, Kamal Nath in aseina a highway safety hi igam sung
uva akigel khoh pen tah chu ahi. Motor Vehicles Act hi hoitah a ache lhah thei nadia Parliament a kipolut ding
ahi ati.
Chief general manager of road safety leh National Highways Authority of India, Atul Kumar in aseina a
Indian government in highways sem nading tohgon anei in natoh akichai teng lamlen toset nahi hung lhom ding ahitai ati. ìSpeed a akiha tol chan'a mi tamthi ding tina ahipoi'. Vetsahna in Brazil gama athah beh a kisem privatized highways achun lamlen adang dang sangin mi alhom thi in ahi.
Manoj Aggarwal, chief executive road-building company (Delhi-Gurgaon Super Connectivity) in aseina a private companies lamlen semho leh vekol hon khatvei vei leh kakhut u akikan chom abange ati. Chuleh traffic dan palkeh niseh leh mi 100 val khamjou lou in aum jinge ati. Hiche hi police ho bou in asuhthip thei chuleh gari speed a lhai ho jong aleusah thei ahi. Ahin police ho sum belap peh a suty ni jongleh tohsa ding kati vangin anom jipouve ati.
Gamsunga car atam totoh in akichoh jou lou hoa din cycle ahilou leh rickshaw a touhi aphapen ahi tin Dr.
Mathew Varghese, head of St. Stephen's orthopedics department in aseiye. Aman aseibe na a lamlen a police
traffic ho lhahsam jeh in simlai hihen milham hi jongleh hospital muna elbai pumle athi ding kon ngen'a hung kipo lut aum jingin, highway a mivaicha ho atam thi najong hi government nahsah lou jeh ahi ati. Hiche
ho jeh ahi mi phabep kipum khom jiuva jukham puma gari tol, duhdahlou ho aman uvin amacham in avo jiuvin
ahi. Lamlen a toset umlou in jong driver kivo ham ahilou leh milham kichom jonghi aum jing in ahi. Mipi kon
khat in toset umlou nadin lamlen dunga gari tol ho driving licence ho jong akhol jiuvin ahi.
'Hilai muna mipi hohin hinkho amanlu dan ahepouve' tin Manoj Gupta, Chandigarh akon thumop them, kum 2 asanga ajinu scooter alhaipet a speed a lhai bus khat in atahlihpi pa chun aseiye. Helmet khuh ding hi pasal ho bou kisei ahin hijeh achu amanu hin ana khuh lou ahi. Bus tolpa chu police hon aman un ni 4 ni 5 jou in bail in ahung pot doh in ahi. Hijeh in Manoj Gupta'n mi amuho jouse koma ajinu thidan asei in gari phate tea atol diuvin atem in ahi.
Gari tol mi hodin kiven hi apha pen ahin hinlah inah sah pouve tin Harman S. Sidhu, president of ArriveSafe, Chandigarh muna safety awareness camp anei nauva asei in ahi. Amapa hi Himalayas muna car accident jeh a langthi (paralyzed) anahi.
Government in highway asep jou teng akin u akichai bangin akoi un ahi. Adoltah chu lha ijat ham ahilou leh
kum ijat ham jou teng lampi kisem hochu itobang nam tia akhol jing diu ngai ahi.
Ajeh chu gam jouse akibang pon konkhat gam chu nichang sa ahilou leh go le dai kai jing (Meghalaya) jong aum in ahi. Hitobang mun hoa hi munchim jong ummo ahipoi. Chuteng sep phat ngaikit lou ding ham? Hijeh achu amopo ding chu minister ahilouleh hiche lampanga minister hon central government koma thulhut anei diu chuteng amaho in sum sanction thei ham ahilou leh natong ding ahinsol diu ham amaho mopoh na hi ding ahitai.
