aumthei behseh jipoi.
3. Kidoptona : Mingol, jat noinung, jat ngol le moldom ho lah a hin adingdoh thei ding ho kiloilhuh tona atam nomíe. Kikhelna ding, machalna/khantouna dingin kidoptona hi angaicha lheh e. Heng le kom khat ahatdom kigo khat chu akidopto a akitosot le akikhel khel theiyin, asang cheh cheh, akikhel theiye. Kholhang hinkho a kikhelna aumía machalna aum theina din ahat thei ding ho kiloilhu to louva kidop dingto jong aphachomíin ahi.
4. Mimal Kikhel Nomna : Kholhang hinkho le mimal hinkho kikhelna dingin kikhelna dia mimal nopna angaiye. Mimal ho hi nompou pouleu kikhel khel jengunte. Christian ho lah a hin min 'Apengthah loupa/nu eiti le alunghang nom akitam'e. Apengthah akihinom cheh e. Ahinla penthahna ahimona pen chu koima akikhelnom tah tah aumji poi. Mihem kikhelnom lou dan chu achonset asuhkhel aimmang nomna akimu e. Tahsa a damlou na thudol'a damna dinga hin adamloupan doctor ajot'a anatna jouse ahilchet them angaiye. Hichu abol them chan'a damthei ding ahi. Christian ho hi lhagao thua damna din chonset phon hat angaina jong aume. Ahinla Christian hohin kikhel nomlou, adinmun ventup'a chonse louva kisei ding athanom uve. Hiche hi chonset jendamna lampi ho nomlouna ahi. Hijeh a chu lhagaova damna umthei lou ahi. Christian tamtah hi akikhel nompouve. Machalna dinga chu kikhelna umtei tei ding ahi. Kikhelna nei nomlou chu machal ding nomlou ahi. Mikhat hin athusei dan akhel nomlouva achondan akhelnom loule machal lou ding tina ahijenge. Kholhang thu hihen mimal hinkho hijongle machalna ding chun kikhel angaiye.
Mimal hinkho hihen kholhang thu hijongle khantou machalna ding chun kikhel nom'a kikhel angaiye. Kukite imachal mohelnau hi ikikhel nomlou jeh u hinte. Kukite kikhel nomlou dan seiyu hite. Nupi khat hin twi ason seh le bel dimset set'in twi asungjie. Twi ahungsou tengle aphullhan mei achapmit jitai. Kenjong twi asat teng pomjia ahi kati peh e. Twi asouteng apomna ding, aphulna ding hisap’in abel dim louvin twi sungjin kati tijeng jie. Ahivangin akikhel dehpoi. Avel velía kasei sei jongle phat sot tah jouvin nah nah in akikhelíe. Kukite ikhantou louvu ikikhel nomlou jeh u ahi. Haona dinga thinglhang loubol pailhah a kivahna dang danga ikivah diu angaitai kiti jong khantou machalna dia kikhel dia temna le hilna le nona ahi. Ikikhel vahlou ule imachal lou diu ahi.
Khantou le machal hi akibahlou na umjongle akithakhatna jong aume. Naosen chu avaho tho e. Ache thei phat’in avatho tapoi. Akikhel tai, va tho tho jengle kikhel lou ding pilhing hithei lou ding ahi. Hiche bang chun mimal hon amolna a thil le chonna ho apailhah kahseuva machal lou, khangtou lou ahiuve. Kholhang le mimal hinkho a kikhelna hi thilkhoh tah ahi. Machal nading, khanna ding, pilhinna lam mano nadin kikhel angaiyin ahi. Kukite hi khantouna dingin kikhel ding nom sohkeiyu hite.
