hoilai akisutlut diuham achenna mun chu. Hoilai muna na lim kilah nadinga naumna dihta chu napeh ding ham? Tua hi geisang ding ahitai, nadinmun kichehsah in chule khonung ding gelin.
Tua Phaicham mihon ahithei channa phaitol a hi mi tamtah chensah/umsah a chule thinglhang gam population lhomsah ding lunggel neiloi jong lhang phong tah a umahiuvin ahi. Amaho loikhun phaitol a population akitam sah joule MLA seat jong tamsah beding tihi ahi. Ahileh tua phaitol a MLA seat kibelap nadinga hi inbahara a nachenna munchu naumna dihtah na vote lhgah nadinga najih dingham?
Thinglhang gamma hi MLA seat 20 bou inei u ahin amaho hi iham atileh mihem population chu apunbe dingchu hetsa ahin hinla eihoa vanghi alhomjoh louvang in kum 10 sunga jong population angaima hungsoh bep thei ahitai ikichih theilou uleh. Tu dinmun a hi phaichama double a pung dinga um ahitai ajehchu iki thupi sah lheh vang uva ingol nau ikihetdoh lou lai u ahi.
Tunjong ageisang naipoi, Imphal khopi munna inbahara a cheng mai mai honjong phat khat teng inn neiten anop phatleh adelmang thei ahin chutengle hilai munna chu navote naga kikheh gotnah lai ding ham? Quarter a um honjong pension nahi teng uleh hilai munna chu naumden thei uva vote nakheh thei diu hinam kikhol phat ahi. Ichan pihi minung idel uva ichan genthei ithoh nahlai diuham?
Midanghon gam le go angailut najal uva lunggel anei hohi eihonjong ikihet dohphat u hitalou ham? Gamtum neimi kahi natiule nagam chu ngailun, Gamtum del kahi natiule nagam delna munchu ngailun achuti loule nagam sunga thunei dinga kigogam ahi tauve, nangin ipi ti Pu le Pa gam chu nalhut sah dem?
