London, Lhaphul 12 : Athah beh khat a audio tape apat kimudoh achun pop star Michael Jackson hin financial lam panga alhahsam jeh a kithopina dinga thum naleh taona hatah in ananei in ahi.
Chujongle ahinkho chunga kichat na aneina chunga athusei ho jong akimudoh in ahi tin The Sun thulhut chun asei in ahi. Hiche lungset le lainat umtah tape recording chun pop star Jackson addiction chung changa lekha jih/sun nu US journalist Daphne Barak koma pehlut ahi tan ahi.
Daphne Barak chun The Sun thulhut koma a Michael Jackson in mihet louva athil koidoh ho kasut a kasim le le a leh, a addiction chung chang thu a ajeh tamtah kihedoh in chuleh audio tape a athusei akija khalou tamtah jong apang in ahi tin aseiyin ahi.
Hiche tape a athusei holeh a aumchan dan ho hi ingaito a igel leh amahi pharmaceutical influence noiya hatah in aum e ti akihe doh in ahi tin Barak chun asei be in ahi. Hiche thu ho hi 2003 Bulte (Feb) a The Martin Bashir Tv documentary ten lupna chunga chapang hotoh alup khomna ho mivet dinga ahin so uva hatah a achung chang thu anaboi laitah a chu anasei/record ing anabol ahi.
Tape recording kibol khat in MJ lungboi na mudoh sah
