Imphal, Lhaphul.19: Manipur gamsunga um political party 7 holoisen kimu tona anei uchun tuchung
gamsunga boina hi Bulpi vaihomho tohgon jeh ahi tin kilung toh tahin aphongdoh uvin ahi. Amahon
aseikhom nauva chun, “Union Home minister pun NSCN-IM lamkai Th. Muivah chu Manipur gamsung
avil kigotchu geltoh chetin ana da henlang hileh hichan boina um ponte tin aphong uvin ahi. Kihou khomna kin a hunglha Political Party hochu ahile; Manipur People’s Party (MPP) lamkai lenho, NCP, CPI (M), RSP,
Forward Block, MSCP le JD(S) ahiuvin amahohi MPP office centre hall muna Radhabinod Koijam chairman hina noiya abol u ahi.
Amahon asei nauva, “National Highway (NH) 39 le NH-53 Blockade hi All Naga Student Association
Manipur (ANSAM) le Naga organizations adangho bol ahií tin akinopto nau thulhut chun aseiye. Chuban ah akikhom hon achesa Lhaphul 5 nikhoa Political Party 5 kikhop khomna a thulhuh anei u, “NSCN-IM General Secretary Thuingaleng Muivah chun Manipur gamsung achotlut theilou ding ahií tia akinop tonau jong akichepin akipompeh e tinjong asei uve.
Hiche thilgon kinei hi Th. Muivah lunglhai nadinga kibol ahin gelphah louhel a boina asojeng hi Government
of India ho bol ahin adeh a Home Minister, P.Chid Home Minister, P. Chidambaram akin thei penna atohmun adalhah loidin aphong uvin ahi. Chukitleh State government honjong Bulpi vaihom hotoh kitho khom a NH-53 hi ahoi nathei channa asemdoh loidin temnajong anei ngal uvin ahi.
Party 7 toukhomna um; Bulpi vaihomho dem u
