Seoul, Lhaphul 26 : North Korean border town Kaesong muna joint factory complex a South Korean natong officials ho amun ada lhah diuvin North Korea in thupeh aneitai. Korea gam teni kikah ahi South Korean warship "Cheonan" twi a alhum jouva kipat kigolchatna hi hoilou ahi. Hinla hiche factory a natong S Korean official mi 8 ho chun kigotna a phat lut ding ahijeh in12:00 noon deadline masangin kipot jou ponte atiuve.
Alangkhatna South Korea Company 110 tobangin North Korean natong mi 42,000 tobang agoi ahin South Korea sorkar mi hijat natong ho hi nodoh dinga asei phat a North Korea in jong agama S Korea ho nodoh dinga thupeh anei ahi. Lhakao 26 nia Yellow Sea a South Korean warship chu North Korea submarine in
akapset jouva mi 46 anathi apat gam teni kah a boina hi sang cheh cheh ahitai. Hinla North Korea in vang warship lhum sah chu kahi pouve ati. Tu hin South Korea in North Korea toh sumkolveina akhah in, chuleh athu hi UN Security Council a pohlut tei ding angaito in ahi.
North Korea in S Korea officials ho nodoh dia thupeh nei
