Senapati, Lhaphul 10 : United Naga Council (UNC) leh Naga frontal organization hon consultative
meeting Ukhrul, Taphou, Tadubi, Kangshang, Chandel chuleh Tamenglong muna Manipur (Hill Areas) District Councils (3rd Amendment) Act, 2008 noiya election kibol kigo hi mipi te lunggel lah khomna anei
un ahi. Hiche Consultative Meeting ahin phatah in achen achai seikhomna anei utoh lhon in Manipur
(Hill Areas) District Council Act, 1971 chuleh akisem thah Manipur (Hill Areas) District Council Act, 2008
hin mipi te thaneina apeh lou banna venbitna anei poi. Hiche jeh a chu hhiche dan kisem hi thinglhang gama
chesah lou din kilolna athah beh in anei un ahi.
Hiche kilolna chu Tribe jouse a president, hon mipi khosung haosa ho chuleh chairman hon phatah a ajui cheh nadiuvin akipe soh keiyin ahi. Hiche dan hi chesah lou tei nadinga Naga mite jousen pan lah cheh din temna UNC in aneiyin ahi. Chuban leh political party ho leh election tet kigo candidate hon mipi te kilolna hi agelkhoh cheh uva ADC election 2010 ahi pan alah louna diuvin UNC in hetsahna aneiyin ahi. Koi hileh hiche thupeh jui lou aum leh Naga tribe organisation leh village authority hon Naga chondan dung juiya thu atan
a chuleh hitobang chung changa thilsoh aum leh amichang cheh in mo akipoh ding ahi tin UNC in gihna thu aphongin ahi.
Naga hon ADC election a pan la lou dia kilolna nei
