Imphal, Lhaphul 10 : Janhia Manipur sorkar in Lhaphul 6 nia Mao Gate a thi teni longdamsa chu pungkal 24 sunga insung mihon ahung kilah lou leh dan dungjuiya kikoi doh ding ahitai tia anasei vangin tuni changeiyin koiman ahung kilah hih laiye. Alangkhatna tunia Tadubi bazaar a Mao representatives hon kikhopna anei un
Manipur a Muivah hung ding state sorkar in aphal lou chu demna anei un ahi. Chuleh state security forces ho achaval uchu demna anei un ahi.
Kikhopna achun athi teni chung thu leh Muivah hung ding thu bou akisei in hinla kilolna vang imacha aum poi. Mipi kikhom ho chun JAC asemdoh un amaho hin thulhuhna anei diuvin akiphatsah uve. Hiche JAC chu Naga Students’ Federation (NSF),UNC leh Naga Hoho panna a member 7 tobang pang ahi. Amahon aseibe na
uva JAC kikhopna chu aban teng Kohima a umding hiteng chuleh thil akichehna hung um tantte atiuve. Thilsoh deilou leh Muivah hung ding phatsahna in tuni nilhah lam chun numei hon Senapati district headquarter muna torch rally ananei un ahi.
Mao Gate a simlai thi teni long kila lou lai
