Imphal, Lhaphul 15 : All Naga Students’ Association, Manipur (ANSAM) in phat sotpi national highway
teni a economic blockade abol jeh in nitin a ngaichat ho akimju jou tapon hijeh chun phaicham mihon
counter blockade abol un thinglhang district ho a thil poh ding aphal tapouve. Imphal khopi mun tampi a
thinglhang gama poh ding petroleum, PDS chuleh nitin a ngaichat thil ho akham un ahi.
Khwairamband bazaar a um numei akiphin hon keishampat Thoubal bus parking muna Chandel bus
khat a kon in thil kihengho aso lhauvin ahi. Hiche hi tuni jinglam nidan 10:30 val thilsoh ahi. Alangkhatna hitobanga kiphinna nei mi phabep in Sangaiprou muna um FCS Godown lampi jouse ating un koimacha
PDS anchang ho Godown apat apohdoh ding aphal pouve. Janhi nilhah lam chun Tamenglong a dia PDS thil
ho truck phabep a kipo chu mipi hon ana pohsah pouve.
Thulhut kimu dung juiyin Sangaiprou Lukram Leirak muna cheng mihon jan hi jan apat chun koima thil poh doh sah lou din ngah uve ati. Hiche hi NH 39 leh 53 a economic blockade akilah doh masangse a hiche khamna hi nei ding ahiuve. Hitobanga thinglhang gama thil poh ding kiphal lou hi nimasa langa chu ana kipan ahitai.
Manipur thinglhang gama thil poh ding phal hitalou
