Aizawl, Lhaphul 13: 3rd Amendment, Manipur (Hills Area) District Council Act,2008 noia Autonomus District Council kilhenna kin aum ding deilou jeha All Naga Students Association, Manipur (ANSAM) in economic blockade National Highway No. 39 leh No. 53 a ache lhah pijing nahlai jehin Manipur sorkar in Lhaphul nisim 13 nichun Mizoram sorkar komah niseh’a kimanchah nading neh leh chah chuleh lou leh ai ho Manipur sung a pohlut ahi thei nadia Mizoram sorkar kithopina angaichat thu ana lhutin ahi.
Manipur gamsunga hiche thil ngaichat ho hin pohlut nadingin tulehtua hi Silchar-Aizawl-Sinzawl- Churachandpur-Imphal lampi bou hi hithei ding ahi. District Council election deilouna na jeha kiphinna ana um jing jehin Manipura milham hohi nasatah a gentheina leh hatsatna anei uh ahi tai tin jong thulhutna Manipur sorkar in ana neiyin ahi. Hiche jehin, Manipur sorkar in Mizoram sorkar chuleh Mizoram mipi hojaha kithopina angaichat thu alhut tan ahi.
Hetding khatchu ahileh, ANSAM in Manipur a National highway teni hi Lhaphul nisim 11 nia patchu economic blockade ana bol pan ahi tai. District Council kilhenna dia Manipur gamsung ana boina Chungchon in tuchung’a Nationalist Socialist Council Nagalim (NSCN-IM) thuchingpu Pu Th. Muivah in Ukhrul District a um apenna Somdal Kho avil nom jeha jong hi Manipura thinglhang mite, adeha Naga gamkai in suosalna nasataha ananei ahi.
Manipur sorkar in Mizoram te kithopina ngaichata
