Tripoli, (Libya) : Vahchan nia Tripoli airport hin jon Libyan huikong mi 104 tobang hinpo chun toset anatoh in, hiche achun Dutch chapang kum 10 a upa khatbou ahingdoh in ahi. Agriqiyah Airways Airbus A 330-200 hi Johannesburg, South Africa, muna kon hung kipan doh chu ahin, midang jouse thia hiche chapang pa bou ahindoh hi thil kidangtah khat chu ahi tin, Dutch Prime Minister pa in aseidoh e.
Chapang pa hi Tripoli Hospital muna akipolut in chuleh akisuh khahna hoa surgery akibol laitah ahin chuleh hiche achun agu bong jong apang in ahi. Asam vom chapang hospital lupna a alu bandage akitom leh oxygen akama kito pi a lumpa chu Libyan TV achun vetsah in aum in ahi. Akhut langkhat a lou akikhai in chuleh amahin kho ahin hedoh tai. Athilah ahin Netherland akon mi 61 apangin, hiche achun South Africa gama Holiday a cheding hojong apangin ahi, tin Royal Dutch Tourism akon in thulhut akimui.
Mithi ho jana peh najal in Dutch Flags ho akikhai lha in chuleh Lhadou nisim 5 a parliamentary elections campaign abol hi ujong anga uvin ahi. Mipi jakhat val in emergency number a ainsung mite holeh aloiho pang uvem tin phone abol uvin, ahinlah alhun nadingu airports authorities honvang kinahna centres in asodoh taove.
Jet toset tona achun mi 103 athi in, chapang kum 10 khatbou ahing doh in ahi
