Kangpokpi, Lhaphul. 18: Achesa Lhaphul 17 jankim donna Kangpokpi leiphung chu bomb mangchaía NSCNIM hidinga ginmo loihon suhset ding ngaito aneina chungah lung nopmo na Kuki Inpi Sadar Hills le Kuki Students organisation Sadar Hills in demna nasatah in anei lhonin ahi. Hiche bomb kikam khumpa chu atahsa alimle amel kihedoh theilouva aum vangchun atahsa chungah voter ID card khat police hon amudoh uvin ahi. Hiva chun athipa chu Mr. Doni, kiti Chandel district a Liwa Sarei khoa chengin akihedoh in ahi.
Hiche thilsoh chungchang hin Pu. Chungkam Haokip,President Kuki Inpi, Sadar Hills, Manipur le Pu. Lamcha Chongloi, General Secretary, Kuki Students Organisation, Sadar Hills, Manipur in demna hatah in aneilhon in ahi. Ama tenin aseina ah, “Hitobang thilgong hohi mi meidoi ahiuvin agamsung uva akibol mou ham tin thudoh anei lhonin ahi. Chukitleh National Highway hi japi a ding ahin hitobang thilphalou kibolhi mihem chondan khokhel a sugentheisah kigo ahiuve tinjong asei lhonne.
Alangkhat ah tumasang chun Kuki inpi Sadar Hills le Kuki Students Organisation Sadar Hills kithon Major General DS. Hooda GOC 57 Mt. Div. hengíah National Highway-39 bit keiya aumsah nadiuvin jong temna ana kineisa ahin, hinla Lhaphul nikho 17 nia mipi toh kimutona Major Vijay, 36" Assam Rifles post Commander in aneijou nidan 10 chebep nalai chun hiche thilsoh hi aum paiye tin thuphon jong aneihonin ahi. Chukitleh japi phatchom nadi suhset jeh hon thiltup kimu louding ahi titoh kilhon in thingnoimi organization jouse hengah mipi khantou nadi thil phaho suhset ho adeh a Sadar Hills hopsunga abollou nadiuvin tepnaleh hetsahna aneilhon in ahi.
Kuki Inpi (SH) le KSO (SH) in demna nei
