Kuki Idol top 10 Felicitation cum concert kivo chon

Posted by Bombiel Media on 12:45 AM in |
Imphal, Lhaphul. 10: Ahung lhung ding Nisim 12 Lhaphul, 2010 nikho a Colvin Academy, Moreh muna um
ding KUKI IDOL 2009 & 2010 Top Ten ho dinga kigong FELICITATION CUM CONCERT chu Phattep louvin voh chon ahitai ti thulhut Pu Robert Hekai Kipgen Secretary, Kuki Idol Committee akon akimun ahi.

Tulai Manipur gamsung a boina tamtah Bandh, Strike le Economic Blocked ho jehin hiche kin’a pangding Manipur pam’a  kon a hungding adeh a Kuki Idol 2009-2010 pa
leh Assam le Nagaland akon hungjao dingho hungthei louding dinmun ahi tahjeh uva phattep louva kivochon ahi tinjong thulhut chun aseiye. Chukeu hilou-vin Manipur a neh le chah man kal jehleh, chele vale nading thaotui hahsat jeh a kibol ahidanjong akisei in ahi.

Hitobang boina aum tah jehhin hiche kinía dinga ngailut na neitah a ticket ana kah ho jousen neina hetthem
uva na ticket houchu mansah louva nana koi jing diuvin temna kahin nei uve tin Pu Robert Hekai chun aseiye.
Chukitleh aphat ahung kitah langkit kahseía neina ngajing diuvin jong kahintem uve tinjong thuphon hin neiyin ahi.

Alangkhat ah hiche kingon kiman pehding Top Ten honjong ahung kitep kit phat phat leh kimansa a boina beija chelhah teina dinga kigo sadema anaum jingdiu vin Secy. Pa akonin temna jong anei uvin ahi.
Tags:

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home