By: Haothen Kuki
Tulah thuso ho ivetle ADC election chungchang thu ngen akisei in chule kipanaleh lungdon umtah kit khatchu isopi Naga ho tilouva Kuki chate atamjon nomination form kichu tho leuva party ticket delía campaign bol tamtah kijah nunga tua koima akitetpi ding aumpon akai doh tai kiti hohi tahsan thei mong hinam?



Lamka lang ahi nomination form pehlut tamnapen ahinla ipi jeh a kitetpi umlou kiti thei ahidem? Candidate
dinga kigong hon ipi thanop nah a sum tampi leuva mipi lunglhai nadi aholla choltahía aumjou nunga akinep
nau guilhung lou ahidem? Mitlhi long pum puma withdrawal akibol diuvang ginchat aumin ahi.

Ahile ADC election umding phatlou henasa saía kiphu teiía tua khatle ni lhaset nading iboldoh pai uahi ivetleh inam sung u abit ding gelthei ahipon ahi. Khat le ni lhaset manna society boiding katinah ahipon hiche lhaset umnah a konna chu kipal nau hung kipat nah ahi. Ipi jeh inem itileh chemtat tepu thusim kisei banga ason ason-a thildihlou hung umpeh ahitan ahi.

Apatna chu withdrawal kibol a patsa chu aboh ihi tauvin ahi, spiritual thua iseile hunam jeh le jouthu a kon ahin, Political thua iseileh japi phatsah (Democracy) chu agamlha tan ahi. Mipi dei mihem chu lungset  naleh hepina chang ahin tua hunamía kideisah chu abolpa/abolho deisah ahin hichun hoilah mipi phatchom nading aboldoh tah dingham.

Development fund hung ding jouse hintungdoh holoi koma alhut louleh ama pa chunga tahsan nachu beikit hiding ahin hichea thudih tahin na katongíe atichu akaidoh sahho komma akitah nah asei ahin, akaidohsah chu mipi ahilou phatna thudih lechan kit ahitan hiche thudih chu atah hinam? Society sunga hi adihle atah hetkhen angai in ahi, Pathen in Adam le Eve Eden hon sunga aumsah chun Satan in ahin lhemin ahi, ahin Satan (Gulpi) chun ajou aseiía alhep ahipoi; thudih asei hilou ham? Pathen in ajahda theiga chu nelechun namit kihong ding ahi atichu thudih aseina hilouham. Amavang atah chu Pathen in asei e, naneh leh nathi ding ahi ati.

Kuki Society sunga hi hitobang lungthim pungen ihi tauvin ahi, adih jengin iki seiun hinla atah pachu ijui pouvin ahi.

Abanna chu hunam a mi kihaisahía akai tai itiu hochu kiki papi a taonah kiman peh nalai. Hoilai chu iki papiu
hintem? oleh kah lahía gollhang hon adei dei akisot uchu ikipapi najoh uham ahiloule nahung kigotdan adihpon namasang lamjot nading ahin thutah lamjeng geltan itiu ahidem? Gollhanghon aboldiu pha asah a akibolíu hita jongle Pathen lungdei boldinga kipedoh in koilung nahol joh u hitam tia thudoh bolthei set hilouham? Igel toh chetlevang ataopa le ataopehpa kioi mong hon hinam?

Adihlouva hung kipandoh chun hoilang jothenlang hijongle thutah ahinjotding kinep aumpon ahi. Kahlah a mi themkhat chekhel tajong leh Pathen thaonu hon mipi apuihoi ding ahin hichu hitalouvin midangjoh akipuisah uleh Pathen alunglhei nadem sopi teho. Pathen lunglheina changlou nam mite chu itinama jongleh manthahnan alhut ding ahi tikhu kihaimil hitante.

Tuajong hi kigelphat naphat ahitai, Pathen in kalenggam hunglhun dingkon leh thil kidang tah tah hunglhung masa ding ahi tichu geldoh kit uhitin, hitobang thilphalou umnalah a nangle keiin ito bangchu thilpha igel diuham?