Imphal, Lhaphul 18 : National highway blockade jeh a Imphal khopi a nitin ngaichat lou le ai alhasam
vetlhah ahina dungjui chun tunin jong huikong in damdoi (medicine) phabep nivei pansan ahinpo kit tai. Akhat vei na chu 257 packets (achun neo) agih dan 3.095 MT ahin, ani na ahileh 290 packets agih dan 6.891 MT gel ahi lhon e. Hiche belap chun Airforce huikong (AN-32) in jong 4 MT a gih lou/damdoi tunin Imphal a ahin pokit in ahi. Mizoram leh Churachandpur kah a lhai gari thilpo ho jong alhai jing uvin ahi. Lhaphul nisim 17 ni chun
cement bags 520, thao (diesel) 27 barrel leh petrol 18 barrels cheh gari len 4 le gari neo 21 in Churachandpur ahin lhut uvin ahi.
Lhaphul nisim 18 nidan 4:30 changei in gari len 8, gari lai lah 10, leh gari neo 22 in petrol 71 barrels, diesel 260 barrels chuleh cement 675 bag ho jong Churachandpur ahinlhut tauve. Tuni Gari 62 in Churachandpur a pat Mizoram jon ding in ana kijot kit tauvin ahi.
Secretariat, Home Department akon thulhut kimu dung juiyin State Government in hitobang tohgon hi mipi te adinga lou le ai ahilou le neh le chah lama alhah sam nalou dia ahin gon jing diu ahi, ati.
Imphal khopi a dinga lou le ai hunglhung
