Cheryl cole in 30 minute show Cannes a million keh khat mu
British popstar Cheryl Cole chu luxury hotel Cannes mun a 30 minute bou show aneina ahin half million dollar peh in a um in ahi. “Parachuteí hitmaker nu ajipa footballer Ashley Cole toh anakikhen nuhi kum masa chun anei le gou 150 percent in ana khangin ahi. Chuleh amahin private performance dung ho ahin a million million in lodoh na anei in ahi. Kum 26 a upa nuhi Cannes dinner le party luxurty jewellery firm de Grisogono ten agonna uva jong hi gapang ding ahi tin, Daily Mail online thulhut chun asei in ahi.


Cole hin kum masa chun last series TV talent show “X Factor” a chun $ 2 million analo doh in chuleh tukum a hiche jat sanga tamjo alodoh dingin ginchat a um in ahi. Chujongle amahin $ !million cheh deal jong L’Oreal le Coca-Cola Zero company toh sign abol in ahi.


Lindsay Lohan in dongmanu thah kimu ta
London, Lhaphul 19 : Actress-Singer Lindsay Lohan in DJ Samantha Ronson akikhenpi jou in 36 a upa photographer Indrani chu adongmanu dingin athahbeh in akimu kit tai. Actress nuhin, Idrani, Julia I. Pal-Chandhuri tia jong kihenu hi achesa nikhat nini langa photo shoot a aki to jou lhon in angailu cheh tan ahi.
Hiche kopteni hin dating vel tampi Los Angeles muna aneilhon tan chuleh actress nu hotel a jan jong tunaicha inchun amang khom lhonin ahiî, tin contactmusic.com akon in thulhut akimui.

'Phat tampi jong kamang khom lhon tai. Masang in numei toh hitobanga kilungset nahi kanei khapoi. Ahivangin Lindsay hi koiham khat kalunga chamjing kakimu, nopsahna eipeh chu ahi', tin Indrani in New York Post newpaper achun aseiye. 'Linday hin thuso akon demna tampi amu vangin alung lhadai dehpoi. Chuleh amahin ahinkhoman hi aphalam a sodoh thei nading hatah in lunggel anei in ahiî, tin Aseibe kit e.
Indrani's Photography partner, Markus Klenko in hiche kopteni hin aki ngailu lheh hon e tin agel in ahi.

Justin Bieber in “American Idol” a la 2 sading
Lhalhun chun Justin Bieber hi ëIdol Gives Backí a anapangin chuleh tua jong hi hiche kum 16 a upa popstar
chapang pahi jing jan a American Idol a result show a jong hi la asah ding ahi Chule show chun pre-tape
performance avetsah ding ahi tin, Access atlanta thulhut chun asei in ahi. ìTu kal (week) sunga hi American Idol kacheding ahiî tin Justin chun a website a asun in ahi. Chujong le amahin Ryan Seacrest Kom a message athot na achun, ìSimon kheldng koimacha umponte tihi mijousen aki hesoh kei in ahi. Ahin Chuck Norris in vang khel thei in teî tin toh tokop in asun in ahi. Justin hin pre-tape hilou vin live in hiche competition a
hin lasathei le vang nom le hoilheh ding ahi tin thulhut khat chun asei in ahi. Hiche result show a hi new
comer Travis Garland in jong la khat a debut first album a ìBeliveî kiti chu asah ding ahi.

Demi Moore in a Autobiography sun tading
London, Lhaphul 19 : Dating boldin dan hilna amujou in, Hollywood actress Demi Moore in ahinkho thusim (Autobiography) sut dingin lunggel aneitai. Moore in hitobanga a lekha sutna aneihi ama adinga akipatna chu ahipoi chuleh ama in masang jep achun hitobang hi kana bol khatai tihi ama in aseidoh nom chu ahi. Dating a pasal hon numei ngeichat abol dingu, Numei nuhin pasal ho ahet teidinga aseidoh nom chu ahi. Femalefirst.co.uk akon thulhut kimu chu ahile, New York muna publishers tampi johdoh theina tha neina
dingin ama in vel tampi akimupi tai, tin agent Luke Janklow in aseiye.

Megan Fox in a birthday party a manglou
London, Lhaphul 19 : Hollywood actress Megan Fox in a birthday nikho in kidangtah ima thilpeh amu
pon chuleh lungnom mo tah in hinkho amang in ahi. "Jenniferís Bodyí star pathenia kum24lhingnuhin, abirthday nikho in adongmapa Brian Austin Green akon in thilpeh ima amupon ahi. Hiche khel inchun amapa in Arc light theatre Hollywood muna chun Romantic drama ëletters to Julietî veding in apui in ahi, tin
dailymail.co.uk akon thulhut akimui. kum 36 upa actor pa in hiche jou in Pinkberry (restaurant) a pui in, a birthday chu amanpi in ahi. Epi hitajongle, Megan alunglhei in chuleh Green chu achop in ahi.

John Travolta loinun naovop
New York, Lhaphul 19 : Holywood actor John Travolta le aloinu Kelly Preston hin a 3 chan lhinna nao anei lhon ding ahi tai tin, people. Com thulhut chun asei in ahi. ìHiche tobang ki- pana thilthupi kato nading chunga
hin, thu selguh kakoi nompon ahi. Ka insung uva hi mikhat kibe kit vahding ahi tai tin Travolta le Pre- ston chun a website lhon achun tahlang lhon in ahi. Travolta hin Preston hi 1991 kum chun anaki chenpi chuleh cha jong 2, Jett, Lhatun (Apr) nisim 13,1992 a pengleh Ella Bleu, Lhatun nism 3 2000 apeng chu ana hing lhon in ahin Jett chu Tolbol (Jan) 2009 chun Baha- mas a holiday mang a ache nau a chun ana thi in ahi. Jett thi chunga hin Bahamian tin death certificate ape in, athi jeh chu heart attack ahi tin asei un ahi. Chuleh anule apan aseilhon na a, Jett hi aneo lai apat in Kawasaki kiti natna hi ahin nei jing in ahi tin asei lhon in ahi.

Cheryl cole in 30 Minute show Cannes a Million keh khat mu
British popstar Cheryl Cole chu luxury hotel Cannes mun a 30 minute bou show aneina ahin half million dollar peh in a um in ahi. ëParachuteí hitmaker nu ajipa footballer Ashley Cole toh anakikhen nuhi kum masa chun anei le gou 150 percent in ana khangin ahi. Chuleh amahin private performance dung ho ahin a
million million in lodoh na anei in ahi. Kum 26 a upa nuhi Cannes dinner le party luxurty jewellery firm de Grisogono ten agonna uva jong hi gapang ding ahi tin, Daily Mail online thulhut chun asei in ahi.
Cole hin kum masa chun last series TV talent show ëX Factorí a chun $ 2 million analo doh in chuleh tukum a hiche jat sanga tamjo alodoh dingin ginchat a um in ahi. Chujongle amahin $ !million cheh deal jong LíOreal le Coca-Cola Zero company toh sign abol in ahi.