Ronnie James Dio, heavy metal lasa minthang Black Sabbath a Ozzy Osbourne anakhel pachu, lha 5 lang oi
(stomach) cancer a anaki jen nung in Pathen ni chun ana thi tan ahi. Chuleh amahi kum 67 alhing tai tin aloinu chun asei in ahi.

Rocker, Dio, new Hampshire muna Italian-American insunga anapeng pahi Ronald James Padavona tin masang chun anakihe in ahi. Amahin amin in Dio kiti band khat anaphut doh in 1983 a ala “Holy Diver” kiti chu classic rock min che tah khat ana hi in ahi.

Amahin ‘devil horn’ tia kihe, heavy-metal ho hand sign, mikoh le mecha kitung achunleh adang khut jung sese
khupi(thump) toh kituh sign khu hatah in asumin che in ahi. “Aloi tam tah le insungmi ijat ham khat in jong athi masang chun lhah na ahung nei un ahi’ tin ajinu Wendy Dio, ajipa a dinga jong manager hinu hin thulhut nakhat anei in ahi. ‘Ronnie hin, min ngailut na lengtah anei hi aman jong ahe in ahi. Chuleh kithopi naleh ngailut tna neipeh najal hou hin nachung uvah lentah in kipathu kasei in ahi chunjongle lungset tah in nichom khat tobang hiche vangset na kato nachunga hin nei suh boi loou dingun ataovin ahi’. ‘chukit le Dio hin naho jouse jong na ngailu uvin, a music jong hi akumkho lhunga hingjing ding ahi’ tin Wendy Dio chun aseibe in ahi.

Wendy hin ajipa Dio hoilai mun a thi ham tivang aseipon ahi. Ahin masanga thulhut Kimu dan in amahi Houston ah akijen e tin ana kija in ahi.

Dio amin hungche pan nahi ahileh 1975 a Rainbow, former Deep Purper guitarist Richie Black more in ana
phudoh band a ahung pan apata hi ahi.

‘Ronnie hin o (voice) hoitah le kidang tah anei in ahi. Rock n Roll World a aman eida lhah u hia thom hau lheh
in ahiî tin Richie Black More chun anase in ahi. Chomkhat jou in Dio hi Black Sabbath ah, Osbourne in 1973 a ada lhah jou in amakhel in analut in heavy metal band dih tah khat hi nachu ana mudoh sah in ahi. Dko hi Black Sabbath a anapan sung chun album 3 record anabol doh in ahi.

1982 chun Dio in ama min in band khat, formerv Black Sabbath drummer, Vinny Appice toh anaphut doh in
aban kum a pat chun a album uleh ala u ‘Holy Diver’ achun hatah in lolhinna ananei uvin ahi. 2004 chan sung hin aband u line up ujat ham khat ana kikhel jongle studio album hoitah le ngainom umtah 10 record anabol doh un ahi.

Rolling Stone Album Guide in aseina ah, Dio te album ho ahi, guitar riff nasatah tah, gim nei tah le tijat um tah a la hungkipan chuleh alasah dan hojong hi ahoi in athupi e tin asei in ahi.

Dio in phatchom chakhat a ding in Black Sabbath a alut kit in 1992 chun studio album ‘Dehumanizer’ kiti chu
record anabol un ahi. Ahin hiche phat lai hin Black Sabbath te hin fans ana hao tapouvin ahi.

2006 chun Dio hi lommi, Appice le Black Sabbath bassit/lyricist Geezer Butler toh, Heaven and Hell kiti banner noi a anaki gom khom un, World Tour ho anabol un kum masa chun studio album khat release anabol un ahi. Tulha bul lang chun, Heaven & Hell chun tu nipi Europe tour hi Dio damlou jeh a cancel kibol ding ahi tin phondoh na ananei un ahi.
London, Lhaphul 17 : British actress Charlotte Lewis in filmmaker RomanPolanski in kum 16 anahi
laiya guh a anasuset jeh in “kangaidam louding” ahitai tin aseidoh e. Lewis, hin Polanski’s 1986
Film “Pirates” chu anatho ahin, Gansemnia news conference a aseina achun, khangdong kahi laiyin director
pa in France a ainmun a chun “aphalou lam tah in” kachunga phat kilem chang chu ana mangcha in ahi.
Hiche guh a thilsoh hi Polanski France akon a US achea, numei chapang kum 13 a upa Samantha Geimer kum 1977 a dan toh kitoh loua anasuh set, chunga gotna achan joua aguh a thilsoh um chu ahi.

Kum 1983 a Polanski in Lewis tua kum 42, nuhi aguh a anasuhset chun khonung hinkho chuleh a hollywood
career jong asuset peh in, tuhin amanu hi khamna thei a lop chu ahisah doh tai. ‘Kahenai hiche phat lai
achu hiche lama mopohna neiho koma kache ding ahivangin kakicha in kajah jong acha in ahi. Akah komle
kakigel jiteng hiche hi keima suhmo in kakigel in ahi. Ama in eisuse in chuleh adihlou lama eipui in ahi.

Eikichatsah in chuleh hiche hin kahin khoa eisu genthei lheh e’, tin amanu in aseidoh e. ‘Tuhin kangaitah pasal khat toh kichen ding tin kinoptona kanei lhon tan, ahivang in tahsa geichat nalam hi kalhah dingin in kagel in chuleh inchen semnalam a kalhah sam ding in kakigel e. Kachung a Palanski in athil boldoh ho chunga kangaidam jou louding ahitai. Hitobang thilsoh hi ka hinkho a ana umlou hileh kahinkho hi akikhel e tia kahet louding ahi. Thutan nakhat angai jin ahi. Adih kasei ahin chuleh Roman Polanski in jong adih kasei hi ahi e’, tin Lewis in aseiye.

Lewis in aseina achun, hiche thua thulhut na nei nadingin Los Angeles county Deputy District Attorney David Walgren kakimupi tai ati. Polanski lawyer Georges Kieyman in French news channel aseina achun lewis in claims abol chu ìadihlou ahin, chuleh aseina achun, director’s Legal team hon hiche thua thulhut aum na chunga natoh neiding kagel uvin chuleh amanuhi court a kapohlut meithei u ahi tin aseibe kit e.

Polanski’s attorney adang khat, Herve Timime in ìakisei jouse hi jou ahi’, tin aseiye

London, Lhaphul 17 : Pop Star Katy Perry toh funnyman Russell Brand in kichen ding agot lhon hi achen
na mun lhon a thupi tah a bol ding agong lhon pon ahi. Aki het dan in amani hin neocha a India mun a bolding joh lunggel anei lhone tin akija in ahi. Perry loinu R&B star Rihanna in New Year Eve a kum 34 a upa Russell Brand in propose anabolna Goa India mun a chun kichen nakin chu neilhon din aphatsah dan thu chu anasei peh in ahi.

Amani hin atumbeh a alhen doh lhon a guest ho chu hiche secret location a chu ni 7 sung golvah abol lhon nading a chu van lenga apoh lhon ding ahi. Chuleh amun chu Goa hileh akilom in ahi tin, New of the World thulhut chun asei in ahi.

Pop Star Katy Perry le Russell Brand hi Ellha (Oct) 2010 nisim 18 apat 25 sunga hi hiche kichen nading kin hi anei lhon ding ahi.
London, Lhaphul 17 : Boyzone star Ronan Keating reality TV Show judge a apan nading in amale ama ahung kisem thah kit tai ajeh chu Irish Singer pahin Australian version of “The X Factor” a role khat amu akon ahi.

Music production lolhingtahleh hiche show aphutdoh pa Simon Cowell in hiche lolhing tah British talent show hi khovei tengle America gama pohlut teiding tohgon anei in chuleh leiset pumpi in hiche show hi avet thei lunggel jong anei e, tin contactmusic.com akon thulhut akimui. Cowell in boyband star khat judges dinga agui hin hiche show hi ‘asuh nem’ sah in chuleh hiche series a chance khat mua pantei ding tihi Ronan Keating atha nom lheh in adih a Boyzone’s manager Louis Walsh hiche original show a apan jeh akon ahi.