Pu. Editor;
Amasan kangailutna salam kahin bol e; ahunglhung ding MDC Election thu hi tutah in mitoh satoh kakilou dom e tihon aji acha sang nga aboipipeu'u thusoh khat ahi tah toh lhon nin,Kanam mipite ho hengía kalunggel themkhat katah langnom min ahi,Vote kilhah ding nikho ahung nai cheh cheh tah toh lhon nin,Candidate hon lam chom chom in mipi ho lhep lha nading lunggel neijin jan imuhlou khop khop min anungjui houtoh avah leleo vin nidang laija imacha a igellou hou kom ma atao leleo vin mikim khat in akijensam mie tunvang chu kanoija ahung kum tei taitin aguh a khut beng beng poljong mi aum in ahi,ahoi chu hitaleh, Mipi te hon ihet diu va
phapen chu Candidate ho sum(Money)hin hahop ho hin ahung kaidoh tiengleo ANAM mipi dia imacha
ahin bol tah lou diu ahin, Igamsung u hi tua sang’a manthah na lampi joh a ipuilut diu ahi,na Vote man tamtah
chu 1000/2000 pouva nakijoh a kum 5 sung Nam pumpi genthei e thohlo khah ding hi tuni geija geldoh loulai KUKI Chapa/Chanu ium khah nahlai diu hi itahsao va HIV/AIDS alut sangía thil dei umlou jo khat ahi hi igel doh diu vin deisah aum’e, vetsah nan,Gari hamkhat na thina/manna ito tiengleo ilong mandiu vin Rs.1,00,000/ (one Lakh) vel iki lah un ikicham jiu vin ahi,kijoh a ikijoh ngal diuleh Vote khat Lakh 1 kiti ngal ngal leh pha hilou ham? Chuleh koitobang ham khat nin aman sum aha hop in ama (Candidate) kaiding ahi iti hou thucheng hi ikhel doh u va ama pa khu mikitah,mipha le Nam ngailu mikiletsah lou ahin ama khu kaidoh din aphai tithei jo taleo hen phading ham kati,Khonung a nakisih’a naki tom tom ma aphatchomlou sang in ni-4 val inei nalai un Voters mipi ho ilamvai nao sumle pai phungle chang apat na hung kinung leía Lamdih jot din ikitiem un ahi.
Kaki pah e,
Helien Kipgen D.Phailien, CCpur.
Editor Henga Lekhathot
