‘Hillbilly’ Singer tin kahejongle, Miranda Lambert chung chang thudohna akineiphat in ahindan akhel in
ahi. ‘Ama in kapa akon in, phatthei akithum in ahi. Hiche chu ahi kenjong kadeipen’ tia Lambert in
kidang tah a Shelton in Lhaphul nisim 9 a kichenpi dinga ahin propose jalhang ho koma aseidoh chu ahi. ‘Hillbilly Bone’ Singer Shelton, 33 hin amatah in adeilhen diamond leh Platinum ring chu kinjong kadeipen in ahi. ‘Kakiletsah pih lheh in ahi. Kum nga tobang kahung umkhom lhon tan, hijeh chun ama in jong kadei chu ahe in ahi. Chuleh keima tah in kakilhen doh sangahoijo in ama in alhengdoh in ahi,’ tin Lambert kum 26 a upa nu in in aseiye.
Akichen nalhonding vang hetthei ahideh naipoi Lambert hin Tolbol achu lasah kipatna a ‘White Liar’ chu anasa in chuleh Lhatun achun Album of the Year leh Top Female vocalist kipaman ACM Awards a anasangin ahi. Leisemni jingkah in Lambert hi CMT Awards ni adin amin achong kit in, Chuleh ajipa ding pa in jong kipaman asan kit ding ahi. ‘Kahinkho sunga kum 2010 hi kasuhmil louding ahitaiî tin Lambert in aseiye.
Blake Shelton leh Miranda Lambert kichen dinga kinoptona neita
