London : Automated Tellar Machine (ATM) semdoh pa amin Scot John Shepherd-Barson chu kum 84 a upa phat chomkhat adam mo jeh in ana mollep tan ahi. Ama hin ajinu, chapa 3 chuleh tu 6 adalhan ahi. Funeral director Alasdair Rhind in thuso miho koma aseina a Barron hi Portmahomack muna cheng ahin Inverness Raigmore Hospital mun Scotland a thi ahi ati.
Barron in De La Rue Instruments a na atoh pet a nikhat akisil jeh in bank a sum akilah doh manlou phatna ATM semdoh ding lunggel ahin nei ahi, hichu 1965 kum ahi. Hiche akon chun ATM masapen chu 1967 kum in London bank khat a akikoi pan in ahi. TV show ‘on the Buses’ kiti a star minthang Reg Varney chu hiche ATM akon a sum kaidoh masapen anahi in ahi.
About author
Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
