Air India huikong 1 in toset toh, mi 159 thi

Posted by Bombiel Media on 9:24 AM in |
Mangalore : Dubai akon hung leng Air India Express huikong Mangalore airport a achuh kigot leh achu khel in gammang lah a apohkeh in asunga tou mi 166 lah a mi 7 bou asohcha uvin ahi. Akihuhdoh mi 8 lah a mi 1 chu hospital mun alhun masangin athi e tin Air India personnel director Anup Shrivastava in Mumbai a thuso miho koma aseiyin ahi. Boieng 737-800 hi Tolbol 15, 2008 a chu kimangcha pan ahin British mi capt. Zlatko Glusica in atol ahi. Huikong sunga chu passenger mi 160 chuleh asunga natong mi 6 tou ahi.

Police thulhut dungjuiyin athi atamjo chu Kerala mi ahi akiti. Mangalore airport chu apet pet in akikhah in kholchil na anei tauve. Hiche thilsoh hi jingkah nidan 6:30 am a soh ahi. Alangkhatna Boeing Company in athu khol dingin team khat ahin sol ding ahi. Boeing 737 Air India Express in amanchah a Dubai apat Mangalore chan hung leng ahi. Asunga tou mi 166 lah a chapang 19 leh naosen 4 apangin ahi. Tunia huikong tosetna mun hi Mangalore apat 30 kms a gamla Bajpe airport ahi. Hiche airport mun hi airport lah a huikong ho kingah leh lendoh hahsatna mun khat ahi jong akiti e.
Tags:

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.
Newer Post Older Post Home