Churachandpur, Lhaphul 12 : Red Shield Division noiya 27 Sector Assam Rifles hon chamna le khantouna
aum thei nadingin Churachandpur town a ‘Role of NGOs and Community based organisations in peace and Development’ kiti thupi mangcha in seminar anabol in ahi. Seminar in adoi le atup pen tah chu district sunga
aching-athem hon society a chamna le khantouna aum thei nadinga alunggel hou aseidoh thei nadiuva kigong
anahi. Major General D S Hooda VSM, GOC 57 Moutain Division chu Jin gun ahin, hinla kho aphat lou
jeh in apang thei tapoi. Sorkar official, social scientist, NGO lamkai ho, journalist, educationist, nam lamkai ho chuleh Youth lamkai hon thupi chom choma houlimna ananei un ahi.
Brigadier Surendra Mehta, Commander 27 Sector AR in akikou ho lemna anei tohlhon in first session chu
akipan ngal in ahi. Hiche phat sunga houlimna neiho chu Dr. Shingkhozam Hauzel (CMO Ccppur), Mrs. Esther Gangte (Lecturer), Rev Khen P Tombing (Principal Rayburn college) ho in topic chom choma ahoulim un ahi. Second session a Pu J. Lhungdim, Planning Advisor (NEC) in thupi aphondoh toh lhon in Dr. John Pulamte (Ex president ATSUM) leh Dr. Dallian Haokip (Principal Blue Star Academy) in houlimna anei lhon in ahi. Session achaina in Jacintha Lazarus, Deputy Commissioner (Ccpur) in thupatna aneiyin chuleh Mrs Senny Vaiphei leh Dr B Langkham, Director (HIV/AIDS) EHA in houlim na anei lhon in ahi.
Achaina in Brigadier Surendra Mehta in thu khum khana anei toh lhon in security force leh local miho kikah a pan lah khom jing dingin Red Shield Division in temna aneiyin ahi.
Manipur a boina hi UPA sorkar jeh ahi tin themmo achan in ahi. BJP parliamentary team hi ni 2 sung chan dinga Imphal a hung ahiuve. Amaho hin tupet a Manipur boina leh state a khantou nadinga natoh ho velha dinga hung uva ahi. BJP team ho chu national vice
27 Sector AR hon Churachandpur a seminar bol
