BOMBIEL MEDIA: Kuki Innpi USA akiphudoh toh lhon a KIF Website thua boina um.

Kuki Innpi USA akiphudoh toh lhon a KIF Website thua boina um.

Posted by Bombiel Media on 1:40 PM in Kuki Innpi |

New Delhi: Kuki International Forum in kum 8 mel ahin mu toh lhon in United State a Kuki Chate kiloikhomna lenpen din Kuki Innpi semdoh ahung hitan, chuleh KIF website pa hi vannoi a kuki chate dia kijahto nalam a manchah khat hiding tia kinopto na anei un ahi. Alangkhat ah Pu Nehginpao, Website Master in kinopto na chu ani khutsan peh tapon ahi. Chutoh lhon chun Kuki Innpi USA in kuki Forum kiseiset, kidemto naho hi tunung tuban a Kuki Innpi USA in hetpeh na leh mopohna kila talou ding ahi tin jong hetsah na anei un ahi.

Hetsah leh Thuphon:

1. USA sunga kiloikhomna khatseh anaum Kuki International forum tia hiche ponlap noiya kiloikhomna chu mipi kinoptona dungjuileh tuleh khonungchangeiya dinga Kukite Custom leh Culture ngaitona naleh gelkhomna toh kilhonin 2009 annual Asssembly chun Kuki Inpi USA in ana kikheltai.

2. Hiche nikho a kipatchun, KIF website hi mipi deisah dungjuiya Kuki Inpi USA noiya lhangsam khatna manchahding tia kinoptona anakineichu website master Gl.Nehginpao vin, khunsan pehna neilouva aumtoh kilhon in, KIF a lamkailui jouse ID jouse akahlhatan, tunichannin, KIF website a anatungdoh lamkailuichengse luttheilou leh ima hetsahnathei umlouvin, ama private property in ahinsemdohtai.

3. Tukum Kut USA 2010 kimantoh kumlhun kihouna Tulsa Khopi ah anakineikhom in, avellin, thilsoh umdan phatechan vetkhomna akineijin, akikhom mipi deisah dungjuijin,avellin, KUKI INPI USA kiloikhomna hi phatsahnaleh deisahnatoh kilhonin, Vannoi munchom chom a kuki chate jouse hetdinga KIF website chungchanga phondohna khat neidingin phatsah ankineije.

Hichu: Hiche KIF website hi tukal kiseisetna kidemna hihen ipithusoh hijongleh Kuki Inpi USA in hetpehna leh mopohna akineipoi. Chuleh Kuki Inpi USA tailou organisation dangjong aumpoi tihi hoilai gam a um Kuki Chate jouse hetdinga keima ngansena kachanna toh kilhonna kahinphondoh ahi e.
Hetbenom aumleh keima or any Kuki Inpi lamkai USA hindohchenthei ahi e.

Dr. Hegin Haokip
President,
Kuki Inpi USA.

About author

Curabitur at est vel odio aliquam fermentum in vel tortor. Aliquam eget laoreet metus. Quisque auctor dolor fermentum nisi imperdiet vel placerat purus convallis.