DMZP Striker (Red) in khumding lung agel laitah
Hiche kichepna hi TFC dia amaho pool sunga play anei masat napen ahin, DMZP ho ahileh a play ni nau ahitai. DMZP ho hin Janni nikhoa chu Ambedkar Stadium mun'a DHSA (Hmar Students') ho toh 0-0 a ani ki draw u ahin, TFC ho hi phat bei ding kuon min 4 avat a penalty ahin mu utoh lhon a goal hi ahin kikhum khah u ahi.
First Half chun TFC akon player khat in Yellow Card amu in, goal position vang 0-0 ana hitou peh nalai ye. Second Half in DMZP player khat in yellow Card ahin mu in, hichun TFC hodia chance phatah ana sempeh in, Penalty kick TFC in amu in, hinlah thepna kiti jongleh hitobang Tournament hoa hi chuti thepmo chula pangdeh loudiu ahijeh TFC in vang lhahsam jep jeh hintin chance chu ana lhaso in goal ani khum tapouvin ahi.
DMZP keeper in TFC Penalty save abol pet
Second half beiding kon lam in TFC akon in muhboh pan player khat yellow card asadoh khum in, TFC hodia vang chu lungkheh na neithei khopleu ahin, hijongleh athepna thei chan uva akichep jou nung uva back lam akon player khat in goal keeper ahilou lam ana sumil in D-Box sung'ah ball ana kibehlhah in hichu DMZP hodia hintui tobang ana hin, bailam tah in guoljo na goal chu akikhum un phat abei pai tai.
* More Photos Here
