nikhotha lo a kihinso hodin manthahna ahi, tin JM Zou, Secretary, Information and Publicity, UKLF a konnin thuphon akimun ahi.
UKLF hon asei naovah jatle nam chom-chom ho chamdella akichenkhom louleh international sumkol veina Moreh tobanghi hingjou louding ahi atiuve. Hijeh chun, nam jousen adeh a atampen Kuki tehin thilsoh hi namkhat vetdana a lalouva sihnei langneina umlouva thudih chu ipiham tijoh ivet diuvin akulle tinjong ahin seiyin ahi. Alang khatnah KNA hon asuhkheljeh a Imphal-MorehbandhkibolhiUKLFhondihsalou Moreh mipi jousen genthei athoh diuhi adih naisaipoi. KNA hi SoO kinoptona soikai ahijeh hin MCM hohin bandh abolsang uvahi sorkar komma joh asuhlhap jidan aholdiuva kilom ahi atikit in ahi.
Achesaho ivetleh Moreh pumma Kuki te chenna ho ahin nam leh hou chom- chom jong acheng theijun
ahi. Ahinlah, Kuki tehi avaichat vangun aphatnao leh akineosah naohi tunai chakhatna hungcheng lut hohin alhahsam naovin amu uvin noisetah a suhgenthei ding agopaiji taove. Kum ijatham masangchun meilhei hohi thinglhang gamma acheng pouve. Tunin vang, meilhei civil kiloikhomna hohin phaitol sunga galguhbol ho tosotna jallin thinglhang gammah phattep louvin bandh akoithei taove.
Ajeh tamtah umnante, ahin KNA hon atohdiu kin atohloujeh u ahi tihi koiman aseilep theipoi. Gamleh asunga cheng nam mite gelkhoh louva sumbou akisahlel pijeh un gamhohi meilhei galguhbolho komma akijoh u ahi. UKLF hi akiphudoh a patnin mipite ahuh-in chuleh aumnao jouse a hin mipite kithopina achang uve. UKLF hin Chandel district a mipite hahsatna hi athohhu uve. Mi tamtah hi akithat nin, a elbaijin, landmine pojahjeh
in akisukhaovin chuleh meilhei galguhbol hohin numei leh haosaho asugenthei uvin ahi.
Alang khatnah, KNA hohin gam akehbe joulou phat uhin Moreh sungah aum taove. Zalengam tia asap vang uhin haosa holeh khosung mite panpina amu tapouve. Hijeh chun, Moreh mite adeh a Kuki tehin ikhahdoh uva hangsantah a KNA ho kichep na - Naga- Kuki kinahna Moreh a ahung kipat bangchun jatle nam kikah a kilung nopmona punsah a Kuki te vengbitna pang kahiuve atiuhi adihpoi iti phatnu ahitai tinjong ahin seiben ahi.
UNLF thingnoi 1 kiman
(NNN): Tuni jingkah lam in Manipur Police leh Assam Rifles (AR) kitho khom hon Salungpham kho avellah operation abolna a United National Liberation Front (UNLF) thingnoi 1 akiman doh e tin Superintendent of
Police (SP) , Thoubal district, Clay Khongai akon thulhut akimui.
Clay Khongsai in aseina a UNLF thingnoi 1 kiman Thoubal police commandos leh 15th Assam Rifles hon UNLF thingnoi 1 Nongmaikhong Makha Leikei a um N. Surjit Meitei @ Achaiba (27) s/o N. Gojen Meitei
kiti pa chu ana mat u ahi ati. Akiman pa hi army no.1449, private sergeant ahin achesa 2001 kum'a UNLF 22nd batch a anajao ahi tin jong aseibe.
Thilpo gari khat in kum 60 upa khat tang lih
Imphal, Lhamul 16 : Tunin Sekmai Police station hopsunga um Kanglatongbi muna thilpogari toset jeh in
Nepali upa khat in thilona aneijin ahi.
Hiche toset to jeh a thi Nepali upa pahi amin Bal Bahadur Pradhan, kum 60 a upa Kanglatongbi colony
muna khosa ahi. Amapa hi insung mite kihinso nadinga hi colony koma gas factory muna security personnel khat hina a duty bol ahin, phat ong chomcha aneisunga sun-anne dinga bicycle a inlam jonna ahungna a hiche thilpo gari AS-01 CC/3573 chu hatah a hunglhai laiya amasang lama Van khat kitat to dinga um apeldoh nalam a Bal in ahinkho anachan lo ahi, tin akom vella amu phabep hon asei uvin ahi. Hiche toset toh Bal Bahadur hi apet pet in amun'a athi in ahi chuleh thilpo gari tolpa hi tutu hin Sekmai Police station a aum e tin thulhut akimui.
Bijoy Koijam in Moreh gavil
Impahl, Lhamul 16: Thongju a MLA chuleh state planning board a deputy chairman Bijoy Koijam hi Moreh a lungsat naho sudaodin akonne. United Peoples' Front hohin sorkar leh KNA (SoO chunga soibol) ho komma tunung tubanleh hitobang suhkhelna hohi avelbol kitlou diuvin angeh uve.
Economic blockade bolho vetupding ana umsa ahi; Y. Irabot
Imphal, Lhamul 16 (NNN): Inpi toukhomna sungah Y, Irabot, Food and Public Distribution, semang pu chun thilman kal chinglhi ding lom khat mi 12 pan na in economic blockade bol'a kiphinna vetup dingin masanga pat in ana kisemtai tin asei in ahi. Hiche mi 12 hohi opposition lamkaipu O. Joy panna a cheif secretary department chomchom a commissioner holeh ama jaona a kisem ahi tin aseiyin ahi.
Aman tutua ngaichat thilkeo ijat kineiham ti aphondohna achun anchang Economic blockade bolho vetupding ana umsa ahi; Y. Irabot lhakhat nehkham akinei in, petrol le diesel ni 6 sung ding aumin, kerosene hi ni 4 tobang ding aumin, LPG hi ni 3 sung ding aum'e atin ahi. Thaopo gari ageina kihelou ho chung chang thua ahoulimna ah, truck 37 tobang ageina akihe naipoi atin ahi. Bulpi vaihomho toh kihouna dungjui in tuhin thaopo garihon thao alahnau hi Ramnagar apat Khatkari ah akikheltai atin ahi.
Thao pohlut nading in ni 11 angaitai, ajeh chu thilpo gariho NH 39 ah alhai nompove jong atin ahi.
NH-53 a gari tangden, NH-39 a gari hunglhung
Imphal, Lhamul 16: Manipur hinjon thilpo gari (Trucks) 450 tobang Jiribam lang National Highway No.53 ah aki tangden uve ti thulhut akimun ahi. Hiche thua Manipur Transporter and Drivers' Council (TDC) Thuchingpu Pu Tomba Singh in thuso mite henga chun Sekmai Quarry (Songgotna) akona lampi semphat nadia song (stone) hinpo Truck 137 tobang NH 53 a lamlen semphat nadinga natoh achelhah jeh'a lamlen hohi aneo val jeha Truck ho aki peltona aboijep jeh ahi tin hetsahna aneiyin ahi.
Hiche toh lhonnna Transporter and Drivers' Council (TDC) hohin Truck phasah pihohi Jiribam muna
kichol dia thulhah le hetsahna jong kinei ahijeh a konna ahi tinjong thusomite hengah hilchenna jong neiyin ahi. Alangkhat ah Manipur Transporter and Drivers' NH-53 a gari tangden, NH-39 a gari hunglhung Council (TDC) kilolna nitlou helin National Highway No.39 akonin jong Manipur ding Thil hinlhut truck 100 tobang ahung kitolin ahi. Hiche Truck 100 hohi escort imacha umlouva hung ahiuve ti thulhut Gosem News Service in amun ahi.
Hiche holah ahin, Annchang(Rice) hinpo Truck 8 ahin, fertilizers hinlhut Truck 5, Cement hinpo Truck 7 chule Truck atamjohon Manipur adia neh le chach ding ahin lhut ahi. Hiche Trucks hohin,tumasang jep'a Manipur Transporter and Drivers' Council kilona- National Highway No.39 jottah louding tia ana kilolnau le kinop tona chu apalkeh ahi tin jong TDC thuchingpu'n thusomite hengah telephone in Jiribam akipat thulhut le phamo
asahna thu thusomite hengah ahin lhutin ahi.
Demand for Grants noiya dangka 285.02 crores kiphatsah
Imphal, Lhamul 16: Manipur State Assembly in Gansemni chun Demand for Grants noiya Grant 4 phatsahna (approval) ana neitan ahi. Hiche Grant 4 hochu ahile - Community Development, ANP, IRDP leh NREP, Youth Affairs le Sports Department, Minor Irrigation chuleh Welfare of Minorities and Other Backward Classes ahi.
Hiche 4 adia akigoma dangka Rs. 285.02 crores pehdoh dia phatsah ahi tai. Fund che ding dol ahile anoiya tobang ahi :
Sl.No. Department Fund allocation (Amount in Rs.)-crores
1. Community Development, ANP, IRDP and NREP 111.72
2. Youth Affairs leh Sports Department 27.99
3. Minor Irrigation 74.53
4. Welfare of Minorities and Other Backward Classes 43.73
Total 258.02
Achunga kigolha demand for grants hohi, Manipur Cabinet a tu-le-tu a Revenue Minister chanvou tuh Pu Th. Debendra in House a (moved) ahin tundoh ahi. Ache ngeidan lhangpi chu ahile, demand for grants hi Finance Minister in House a atundoh ji ahi. Chief Minister Pu O. Ibobi hin tu-le-tua hi Finance Portfolio jong a poh tha ahin, hinlah ama tunia House a ajao theilou jeh'a Revenue Minister Pu'n hiche grant 4 hohi ana pohlut ahi. Opposition Bench lama kon, adehin Dr.Ng. Bijoy, Dr.I. Ibohanbi chuleh RK Anand hon hiche grant thu a hi
cut motion jong nassatahin anabol uvin ahi. Oposition hon hiche deparment noiya fund kikoi hohi lhinglel asah nau leh administration akitup lou jeh'a fund hi ahi dingdola akiman louna hojong House a ana polut uvin ahi. Adehsetin MOBC noiya umhodia fund chedan adihlouna hohi sorkarin amasapen in semtup hen tia angeh uh ahi. MOBC fund hi aphatchom piding dolhon aphat chom pi pouve. Hiche chungchon in neh-le-chahguh
atamval jehin department 3 hojong hi sorkarin asuh theng masah angaiyin ahi atiuvin ahi.
Manipur sorkar in Manipur khantou ding adei ule fund che na chuleh akiman dohna jouse jong phatecha a audit abolding ahi. Achuti loule, fund kipedoh ho jouse hi changvai lah'a jun kitha tobang ahibou'e tin Oppostion bench hon cut motion nasatah'a pohdohna ana nei u ahi. Chukitleh Opposition MLA, Pu O. Joy, Ng. Bijoy, I. Ibohanbi leh RK Anand honjong Private Business agenda jong House a ana seplut pai pai
uvin ahi. Private Business agenda chu ahile Manipur sorkar in Special Court khat atundoh ding tichu ahi.
Hiche Special Court mopohna ding chu ahile Manipur gamsunga Bandh le Economic Blockade jeh'a thilmang jouse compensation agon peh ding chule compensation jong sanction abolding ahi.
